Toshkent viloyatining Chirchiq shahrida elektr energiyasi uzilishidan norozi bo‘lgan aholi vakillari ko‘chaga chiqqani xabar berildi. Viloyat hokimligi axborot xizmatining “Daryo”ga bildirishicha, bu muammo o‘sha kunning o‘zida hal etilgan.
Chirchiq shahrida elektr energiyasidagi uzilishlar tufayli “Humo” mahallasida yashovchi bir guruh fuqarolar norozilik bildirib, videomurojaat bilan chiqishgan edi. O‘sha kunning o‘zida mahalladagi elektr ta’minotidagi uzilishlar bartaraf etildi. Hududga yangi transformator olib kelinib, elektr energiyasi ta’minoti tiklangan, — deydi hokimlik axborot xizmati xodimi Asqar Ismoilov.“Daryo” muxbirining qo‘shimcha qilishicha, mazkur muammo sodir bo‘lgach, Chirchiq shahriga bosh vazir Abdulla Aripov, energetika vaziri Jo‘rabek Mirzamahmudov, Toshkent viloyati hokimi Zoir Mirzayev, Chirchiq shahri hokimi Davron Hidoyatovlar birgalikda borib, muammo yuzasidan aholi vakillari bilan muloqot ham qilgan.
O‘sha kuni Chirchiq shahri hokimi Davron Hidoyatov aholiga videomurojaat yo‘llab, muammo bartaraf etilganini, nosozliklar tuzatilganini ma’lum qilgan, — deydi Asqar Ismoilov.
Izoh (0)