Ukrainadagi urush tugaganidan keyin NATO va Rossiya munosabatlarining normallashishini kutmaslik kerak, dedi NATO bosh kotibi Yens Stoltenberg. Bu haqda Handelsblatt xabar bermoqda.
“Avvalgidek bo‘lmaydi. Ukrainada o‘t ochish to‘xtagan taqdirda ham, biz Rossiya bilan munosabatlarimiz normallashishini kutmasligimiz kerak”, — dedi u.
NATO bosh kotibi, shuningdek, hozir Ukrainadagi mojaroning hal qiluvchi bosqichi ekanini aytib, Kiyev g‘alaba qozonishi uchun unga qurol-yarog‘ yetkazib berish zarur, degan fikrni bildirdi. Uning ta’kidlashicha, G‘arb davlatlari Rossiyaga past baho bermasligi kerak, uning “resurslari katta”.
“Biz urushning hal qiluvchi bosqichidamiz”, — dedi Stoltenberg.
U alyans mamlakatlari Kiyevga og‘ir harbiy texnika yetkazib berish bo‘yicha o‘z zimmalariga olgan majburiyatlarni muhim deb atadi va yaqin kelajakda ko‘proq harbiy yordam yuborilishini ta’kidladi.
Izoh (0)