Mashhur kinoaktyorlar orasida birgina roli bilan dunyo bo‘ylab mashhurlikka erishganlari ham bor, shuningdek, ayrimlar o‘ziga katta mashhurlik keltirgan filmlarni emas, balki boshqa kinokartinalarda o‘ziga yoqqan rollarni ijro etganini ta’kidlagan. The Voice nashri mashhurlarning sevimli rollari haqida ma’lumot berdi.
Mettyu Mak-Konaxi
Ko‘plab tomoshabinlar Mettyuni “Dallas xaridorlar klubi”, “Jentelmenlar” filmlaridagi va “Haqiqiy detektiv” serialidagi rollarini yaxshi ko‘radi. Aktyor esa hali ham 1993-yilda namoyish etilgan “Rohatlangan va sarosimaga tushgan” filmidagi Richard Linklater rolini o‘zining eng yaxshi ishi deb biladi.
Bu film haqida eshitmagan bo‘lishingiz mumkin, biroq kinokartina mashhurlikka erishdi. Kventin Tarantino uni barcha davrlarning 12 ta eng yaxshi filmlari ro‘yxatiga kiritdi.
Arnold Shvarsenegger
Arnold Shvarsenegger “Terminator”, “Tozalovchi”, “Tutqich bermaslar” filmlaridagi rollarini emas, 1990-yilda namoyish etilgan “Bolalar bog‘chasidagi politsiyachi” kinokartinasidagi detektiv Jon Kimbl rolini yaxshi ko‘rishini aytgan. Bundan tashqari, 1988-yilda Denni DeVito kompaniyasi tomonidan taqdim etilgan “Egizaklar” filmi ham aktyorning yaxshi ko‘rgan kinokartinalaridan hisoblanadi.
Jonni Depp
Gollivud yulduzi Jonni Deppning eng sevimli roli Jek Chittak yoki Suini Todd emas, bu rol 2000-yilda “Tezkor shou” teleserialining maxsus epizodidagi kameo — qisqacha ko‘rinishi hisoblanadi. Ma’lum bo‘lishicha, aktyor britan hazilining ashaddiy muxlisi va o‘zining sevimli serialida paydo bo‘lishini o‘zining eng katta yutuqlaridan biri deb biladi.
Kianu Rivz
Kianu Rivz sevimli rolini “Matritsa”, “Jon Uik” filmida ijro etmagan. Aktyor 2005-yilda taqdim etilgan “Konstantin: Zulmatlar hukmdori” filmidagi psixopatik qotil Jon Konstantin rolini hanuzgacha nostalji bilan eslaydi.
Geri Oldmen
Geri “Beshinchi element”, “Drakula”, “Leon” kabi mashhur filmlarda o‘ynagan. Biroq aktyor o‘z faoliyatidagi eng yaxshi rolni 1991-yilda namoyish etilgan “Jon Kennedi” filmidagi Li Xarvi Osvald deb hisoblaydi. Rejissor o‘z xarakterini gavdalantirishda unga keng yo‘l berdi va Oldmen ishonchdan mamnun bo‘ldi.
Viola Devis
“Qotillik uchun javobgarlikdan qanday qutulish mumkin?” filmida rol o‘ynagan va “To‘siqlar”dagi Rouz Makson roli uchun “Oskar” mukofotini qo‘lga kiritgan aktrisa bu rollaridan unchalik faxrlanmaydi. U 2003-yilda “Qonun va tartib” serialida epizodik rolni ijro etdi va buni o‘zining asosiy yutug‘i deb biladi, chunki uning qora rangli teriga ega ekani o‘sha paytda oq tanlilar haqidagi seriallarda rol o‘ynashiga to‘sqinlik qilmadi.
Merilin Monro
Afsonaviy aktrisa Merilin Monroning yaqin do‘stlarining so‘zlariga ko‘ra, u ko‘pincha “Jazzda faqat qizlar” kabi mashhur filmlarini emas, 1950-yilda namoyish etilgan “Asfalt jungli” filmidagi Anjela Finlay epizodik rolini eslagan. Ularning aytishicha, u hech qachon kamera qarshisida bunday erkinlikni his qilmagan.
Mavzuga doir:
- “Yetarlicha ideal emas”: tashqi ko‘rinishi tufayli kastingdan o‘tolmagan mashhurlar (foto).
- Ishdan haydalgan Madonna, uxlab qolgani uchun aktrisa bo‘lgan Meril Strip, uyida sher va fil boqqan Melani Griffit — mashhurlar haqida siz bilmaydigan qiziqarli faktlar.
- Mashhurlar qanday uylarda yashaydi? Eng zamonaviy uylarning betakror interyerlari.
- Maykl Jekson, Nikolas Keyj va boyligini birdaniga yo‘qotib, kambag‘alga aylangan boshqa badavlat mashhurlar (foto).
Izoh (0)