“5 ta o‘t o‘chirish mashinasi kelib, bitta uyning olovini ham o‘chirolmadi”

Xalqimiz bejiz o‘t va suv balosidan asrasin deya duo qilmaydi. Suv bir zumda  borini  yuvib, o‘t esa kulga aylantiradi. Yurtimizda anomal sovuq hukm surayotgan bir paytda, Chirchiq shahrida isteqomat qiluvchi oila boshiga ham musibat tushdi. Ular bir kunda uyidan va bor budidan ayrildi.

— 12 yanvar kuni soliqlarni to‘lash uchun ketgandim. Uyda qizim va nabiram qolgandi. tushlikka hovlidagi o‘choqda ovqat qilib, ichkari uyda yeymiz deb qozoni bilan uy ichiga kirganida birdan elektr energiyasi bosimi ko‘tarilib, tutashuv sodir bo‘lgan. Olov chiqqanini ko‘rgach, qizim va nabiram qo‘rqib, qo‘shnilarni chaqirgan. Ular o‘t o‘chirish xizmatiga qo‘ng‘iroq qilishgan.

Qo‘shnilar menga qo‘ng‘iroq qilib "Uyingizdan o‘t chiqdi", deyishganida vaziyat bundayligini hayolimga ham keltirmagandim. Turmush o‘rtog‘im bilan shoshib uyga kelsak, borimiz alanga ichida qolgan. Beshta o‘t uchirish mashinasi kelgan,  uchtasining suvi yaxlab qolganini aytishdi. Ikkitasining esa shkanklari teshilgan ekan. Ular ular o‘tni o‘chirisholmadi. Faqatgina bir-ikkita yaroqsiz buyumlarni uy ichidan olib chiqolishdi, holos, — deydi Karomat Gayiboyeva.

Uning turmush o‘rtog‘i Qadam Gayiboyev esa FVV xodimlaridan norozi bo‘lganini yashirmadi.

— O‘t o‘chirish xodimlari yil 12 oy maosh olishadi. Nahotki, shunday qiyin vaziyatda bitta yonayotgan uyni asrab qolisholmasa?! Qo‘shnilarimiz olgan videolarda ham bor. Ular shunchaki suhbatlashib, kulib uy yonishini ko‘rib o‘tirishgan. Turmushga chiqadigan qizim bor, unda deb yiqqan seplarim ham kul bo‘ldi. O‘zim uchun esa bolalarimga achinayapman, — deydi oila boshi Qadam Gayiboyev.

Karomat Gayiboyeva anomal sovuq havoda og‘ir vaziyatga tushishgani va farzandlari o‘ta og‘ir sharoitda yashashayotganini aytib o‘tdi.

— Uysiz ko‘chada qoldik. Hokimiyat tomonidan yotoqxonadan bitta xona ajratildi. Ammo u nihoyatda qarovsiz ekan. Bir qo‘shnim yordam qilib, uni biroz taʼmirldab berdi. Ammo baribir olti jon u yerda yashay olmaydi, nihoyatda tor. Sovuq kunlari bolalarim bilan ko‘chada qoldik. Xujayinim arendaga Spark olib haydab, kirakashlik qiladi. Bir kun er-xotin mashinada uxlab, muzlab qoldik. Ro‘zg‘or uchun kerakli hech narsamiz qolmagan. Hammasi bir zumda yonib kul bo‘ldi, — deydi Karomat Gayiboyevna.

Oilaga kiyim-kechak, ro‘zg‘or buyumlari yoki moddiy tomondan yordam qilishni istasangiz:

8600 0329 6778 0289

Gayibayeva Dilafruz

Murojaat uchun tel: 93) 120-62-26</p