Qishda doimgidan ham kuchliroq va to‘yimliroq mahsulotlarni iste’mol qilish tavsiya etiladi: organizmni isitish, virus va bakteriyalarga qarshi turish uchun qo‘shimcha kaloriya kerak. Qolaversa, kasalliklarga qarshi kurashda yordam beradigan ko‘plab moddalarga ega bo‘lgan ba’zi oziq-ovqatlarni ratsionga kiritish lozim, deb yozadi “Noviy ochag”.
Apelsin
Shamollagan bo‘lsangiz, apelsin iste’mol qilish tavsiya etiladi: kuniga ikki-uch apelsin C vitaminini (200 milligramm) oshiradi va bu kasallik davomiyligini sakkiz foizga qisqartirish uchun yetarli. Bundan tashqari, meva uning sharbatidan ko‘ra yaxshiroqdir: meva tarkibida fitonsidlar deb ataladigan foydali moddalar mavjud.
Pishloq
Bundan tashqari, yumshoq navli pishloq juda ham foydalidir: u immunitetni qo‘llab-quvvatlovchi bakteriyalarga boy. Taom, salat, gazak uchun yoki sof shaklda iste’mol qilinsa, ham mazali, ham foydali.
Qo‘ziqorinli sho‘rva
Oddiy do‘konlardan sotib olingan qo‘ziqorinlardan tayyorlanadigan qaymoqli sho‘rva kasalliklarga qarshi juda samarali taomdir. Qo‘ziqorinlar tufayli organizm immunitet tizimini mustahkamlaydigan va qishki kasalliklarga qarshi turishga yordam beradigan virusga qarshi oqsillarni ishlab chiqarishni faollashtiradi.
Yong‘oqlar
Yong‘oqlar immunitet tizimining normal ishlashi uchun muhim bo‘lgan selen bo‘yicha chempiondir. Ulardan atigi 30 gramm iste’mol qilish organizmni a’lo holatda saqlash va virusli kasalliklardan himoya qilish uchun yetarli.
Limonli choy haqida nima deyish mumkin?
Afsuski, bu hamma o‘ylaganidek emas. Aslida limonli choy kasalliklarga qarshi kurashishdan ko‘ra immunitetni zaiflashtiradi. Birinchidan, limon sharbati allaqachon yallig‘langan tomoqni bezovta qilishi mumkin, bu esa sog‘ayishni sekinlashtiradi. Ikkinchidan, choydagi kofein ham tezroq tuzalishga to‘sqinlik qiladi. Qolaversa, kasallik paytida iloji boricha uzoqroq uxlash yaxshi samara beradi. Ushbu ichimlikka qo‘shiladigan shakar va asal esa immunitetni pasaytiradi.
Izoh (0)