Elektr avtomobillar bo‘yicha jahon yetakchisi bo‘lgan Xitoyning BYD avtomobil ishlab chiqaruvchisi 2030-yilga kelib Hindistondagi elektromobillar bozorining 40 foizini egallashni rejalashtirmoqda. Bu haqda The Economic Times xabar berdi.
“BYD yetti yil ichida Hindistondagi elektr avtomobillar bozorining 40 foizini egallash uchun agressiv harakat qilmoqchi. Shu maqsadda kompaniya to‘g‘ridan to‘g‘ri chet eldan qarz olmasdan, mamlakatdagi mavjud zavodida elektromobillar ishlab chiqarishni 10-15 ming donaga ko‘paytirishni rejalashtirmoqda”, — dedi BYD India’ning katta vitse-prezidenti Sanjay Gopalakrishnan.
BYD sho’ba korxonasi birinchi navbatda Hindistonda qimmatbaho elektromillarini ishlab chiqarish va sotishga e’tibor qaratmoqchi. Shuningdek, faqat ommaviy xaridorlar uchun modellarni ishga tushirmoqchi.
BYD India o‘zining birinchi EV modelini 2022-yil oktabr oyida Hindistonda taqdim etdi. Joriy yil oxiriga qadar u uchinchi modelni ishga tushirishni va Hindiston shaharlaridagi ko‘rgazma zallari sonini 21 tadan 53 taga yetkazishni rejalashtirmoqda.
Avtomobil ishlab chiqaruvchisi, shuningdek, 2023-yilda Hindistonda o‘zining 16 mingta Atto3 elektr “yo‘ltanlamas”larini sotishni rejalashtirmoqda, ishlab chiqarishga 200 million dollar sarmoya kiritildi.
BYD India faoliyati Hindiston hukumatining 2030-yilgacha elektromonillari sonini tijorat avtomobillari segmentida 70 foizga yetkazishni nazarda tutuvchi dasturi tomonidan qo‘llab-quvvatlanadi.
Izoh (0)