AOKAda o‘tkazilgan brifingda Olmaliq kon-metallurgiya kombinati axborot xizmati rahbari Umida Qarshiboyeva kombinatning 2022-yildagi asosiy ko‘rsatkichlari haqida ma’lumot berdi.
Qayd etilishicha, kombinatda 2022-yilda 30 trillion so‘mlik tovar mahsulotlari ishlab chiqarilgan.
Investitsiya dasturi doirasida kombinatning o‘z mablag‘lari va kreditlar hisobidan 788,8 million dollar o‘zlashtirilib, 2021-yilga nisbatan 1,7 barobarga o‘sishiga erishilgan. Bunda umumiy qiymati 1,3 trillion so‘m bo‘lgan 15 ta loyiha foydalanishga topshirilgan.
Jami 947,5 million dollar qiymatidagi mahsulot eksport qilingan. Mahalliylashtirish dasturi doirasida esa 334,1 milliard so‘mlik mahsulotlar ishlab chiqarilgan.
2022-yilda kombinat tomonidan budjetga 18,6 trillion so‘m, ijtimoiy jamg‘armalarga 240,3 milliard so‘m to‘lovlar amalga oshirilgan.
Izoh (0)