Qoraqalpog‘istonning Nukus shahridagi harbiy gospital ta’mirdan chiqarildi. Har bir mutaxassis o‘z xizmat xonasi, alohida qabulxona va muolajalar xonalariga ega bo‘ldi.
Bu ham bo‘lsa ko‘rsatilayotgan tibbiy xizmat va tibbiy madaniyatning yuksalishiga, tibbiyot soha mutaxassislarining o‘z ustida ishlashiga, xizmat majburiyatlari bilan bir qatorda ilm-fan bilan shug‘ullanishiga ham imkon yaratdi.
Sohaga davolashning yangi va zamonaviy usul va uslublari joriy etilayotgani bois bugun ushbu shifo ulashuvchi dargohda klinik-bioximik laboratoriya, EFGDS, EKG, ultratovush tekshiruvi hamda rentgenografiya tekshiruvi xizmat ko‘rsatmoqda.
Mazkur gospitalda Mudofaa vazirligi harbiy xizmatchilaridan tashqari Milliy gvardiya, DXX Chegara qo‘shinlari, Favqulodda vaziyatlar vazirligining hududiy bo‘linmalari harbiy xizmatchilariga tibbiy xizmatlar beriladi. Nukus harbiy gospitalida aholiga pullik tibbiy xizmatlar ko‘rsatilishi ham yo‘lga qo‘yilgan.
Kapital ta’mir natijasida gospital hududida Nukus sanitariya-epidemiologik nazorat bo‘limining COVID-19 yuqumli kasalligini tez aniqlab beradigan virusologiya laboratoriyasi ham joylashtirildi.
Kapital qurilish ishlari davomida gospitalda autsorsing tizimi asosida faoliyat ko‘rsatayotgan shinam oshxona, anjumanlar zali, sport va jismoniy davolash ishlari bilan shug‘ullanish uchun trenajyorlar bilan jihozlangan sport zali bunyod etildi.
Izoh (0)