Turkiya politsiyasi yangi yil arafasida Istanbulda terakt uyushtirishni rejalashtirgan ISHID terrorchilik guruhi a’zosi bo‘lgan ikki kishini qo‘lga oldi. Bu haqda Sabah nashriga tayanib, “RIA Novosti” xabar berdi.
Terakt uyushitirishda gumonlanayotganlar O‘zbekiston va Tojikiston fuqarolari hisoblandi.
“Ular 31-dekabr kuni Yangi yil kirib kelishidan bir necha soat oldin Istanbulning Basakshehir tumanida ularni kuzatib kelayotgan politsiyadan qochishga uringan. Biroq politsiya ularga qarata mashina g‘ildiraklari orasidan o‘q uzishga muvaffaq bo‘lgan”, — deyiladi xabarda.
Qo‘lga olingan O‘zbekiston fuqarosi portlovchi moddalar bo‘yicha ekspert bo‘lib, unga nisbatan deportatsiya jarayoni boshlangan. Ular Afg‘onistondagi ISHID terrorchilik guruhidan ko‘rsatmalar olgan va portlovchi moddalar yordamida “qonli” terakt uyushtirishni rejalashtirgan.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan
Mavzuga doir: Istanbulda terakt uyushtirmoqchi bo‘lgan ISHID jangarisi qo‘lga olindi
Izoh (0)