Rossiya Ukrainaga “koreys” ssenariysi bo‘yicha urushni muzlatish ssenariysini taklif qilmoqchi, bu esa frontda o‘rnatilgan chegaralarni belgilash va Ukraina davlatini bo‘lishni ichiga oladi. Bu haqda Milliy xavfsizlik va mudofaa kengashi kotibi Aleksey Danilov xabar berdi.
Hozirda Kiyevga harbiy harakatlarni tugatishning “koreyscha varianti” taklif qilinishi mumkin — shartli “38-parallel” bo‘ylab Rossiya va Ukraina o‘rtasidagi hududlarni bo‘lish. Bir vaqtlar Koreya shu tariqa ikki davlatga — KXDR (Shimoliy Koreya) va Janubiy Koreyaga bo‘lingan.
“Rossiyaliklar endi hamma narsani o‘ylab topmoqda. Aniq bilamanki, ular bizga taklif qilishi mumkin bo‘lgan variantlardan biri bu 38-parallel”, — dedi Danilov.
U yaqinda Janubiy Koreya vakillari bilan bu masalani muhokama qilgani, ular davlatning bunday bo‘linishini “katta xato” deb hisoblaganini ta’kidladi.
“Ular o‘shanda yon berib, katta xatoga yo‘l qo‘yganmiz deb hisoblaydi. Hozirda ularda muammolar bor”, — deya qo‘shimcha qildi Danilov.
Eslatib o‘tamiz, Shimoliy Koreya va Janubiy Koreya o‘rtasidagi demilitarizatsiya zonasi 38-parallel bo‘ylab joylashgan. Bu chegara 1953-yildagi sulh bitimidan so‘ng o‘rnatilgan, ammo davlatlar o‘rtasida tinchlik shartnomasi hozirgacha imzolanmagan.
Izoh (0)