Bolaligimizda ota-onamiz uyda tayyorlab bergan shirinliklar ta’mi va hidi bilan yodimizda qolgan. Tvorogli pechenyelar, uyda tayyorlanadigan kekslar, “qush tili” pishiriqlari — bu shirinliklar bolalikdagi xotiralarni yodga soladi. Marie Claire nashri mazali shirinliklar retseptlarini taqdim etdi.
“Qush tili” pishirig‘i
Kerakli masalliqlar:
- tuxum — 1 dona
- smetana 20 foizli — 100 g
- un — 250 g
- shakar — 1 qoshiq
- o‘simlik yog‘i — 250 g
- shakar kukuni —
Tuxum va shakarni ko‘pirtirgich yoki mikser yordamida aralashtirib oling. Aralashmaga smetana qo‘shing. Un qo‘shing va xamir qoring. Keyin xamirni yupqa qatlamga (taxminan 2-3 santimetr) yoyib, uzun chiziq shaklida kesib oling.
Olingan lentalarni tugun shaklida bog‘lang. Ichi chuqur bo‘lgan idishda yog‘ni qizdiring va xamir bo‘laklarini solib 3-4 daqiqa davomida qovuring. Ortiqcha yog‘lardan xalos bo‘lish uchun “qush tili” pishiriqlarini qog‘oz sochiq ustiga qo‘ying. Pishiriqlarni likopchaga soling va ustiga shakar kukunini seping.
Tvorogli pechenye
Kerakli masalliqlar:
- tvorog 9 foizli — 200 g
- un — 250 g
- pishiriq kukuni — 0,5 g
- shakar — 1 stakan
- sariyog‘ — 110 g
- vanilinli shakar — 1,5 qoshiq
Idishga tvorog va sariyog‘ni solib aralashtiring. Keyin aralashmaga un, pishirish kukuni va vanilinli shakar qo‘shing, yaxshilab aralashtirib oling va xamir qoring. Xamirni dumaloq shaklga keltirib oling. Uni oziq-ovqat plyonkasiga o‘rang va bir yarim soatdan ikki soatgacha muzlatkichga qo‘ying.
Shundan so‘ng muzlatkichdan xamirni oling va uni yupqa qilib yoying. Keyin stakan bilan kichik doiralar hosil qiling, ularning ikki yarmiga ham yana shakar sepish kerak. Shirinlikni taxminan o‘ttiz daqiqa davomida 180 daraja haroratda oldindan qizdirilgan pechda pishiring.
Shirin “kolbasa”
Kerakli masalliqlar:
- pechenye uchun qumoq xamir — 150 g
- sariyog‘ — 100 g
- kakao kukuni — 3 qoshiq
- yong‘oq — 150 g
- quyultirilgan sut — 100 g
Pechenyelarni maydalagichda maydalang, sariyog‘ qo‘shing, aralashtiring. Keyin xamirga kakao kukuni, maydalangan yong‘oq qo‘shing va yana yaxshilab aralashtirib oling. Hosil bo‘lgan aralashmaga quyultirilgan sutni qo‘shing, kolbasa shaklida o‘rang, oziq-ovqat plyonkasiga soling va bir kecha muzlatkichga qo‘ying. Shundan so‘ng, pishiriqni kichik bo‘laklarga bo‘lib iste’mol qilish mumkin.
Uyda tayyorlanadigan “Mazurka” keksi
Kerakli masalliqlar:
- un — 1 stakan
- tuxum — 4 dona
- smetana 20 foizli — 1 stakan
- yong‘oq — 1 stakan
- mayiz — 1 stakan
- shakar — 1 stakan
Chuqur idishda tuxum, smetana va shakarni aralashtiring. Aralashmaga un soling, aralashtiring va keyin maydalangan yong‘oq, mayiz qo‘shing. Yana yaxshilab aralashtirib oling. Olingan aralashmani issiqqa chidamli idishga quying va 40-45 daqiqa davomida 180 darajaga oldindan qizdirilgan pechda pishiring — keks pishganini yog‘och tayoqcha bilan tekshiring, aks holda u kuyishi mumkin. Ta’bga ko‘ra keksga shakar kukuni sepilishi yoki vanilinli muzqaymoq to‘pchalarini solib iste’mol qilish mumkin.
Mavzuga doir:
Izoh (0)