“O‘zgidromet” dam olish kunlari uchun ob-havo ma’lumotini e’lon qildi

“O‘zgidromet” 6—8-yanvar kunlari uchun ob-havo ma’lumotini e’lon qildi.

Unga ko‘ra, 6-yanvar, juma kuni O‘zbekistonga Turkmaniston hududlaridan nam va iliq havo massasi kirib kelishi kutilmoqda. Respublikaning katta qismida ba’zi joylarda yomg‘ir yog‘adi, faqat shimoliy va sharqiy hududlarda yog‘ingarchilik kutilmaydi.

6-yanvar, juma kuni kunduzi havo 7-12 darajagacha, shanba kuni 10-15 darajagacha ko‘tariladi. Yakshanba kuni yana 7-12 daraja iliq bo‘ladi. Ba’zi joylarda yomg‘ir yog‘adi.

Ba’zi joylarda shamol 15-20 metr/sekundgacha kuchayadi. Farg‘ona vodiysi viloyatlarida kechasi va ertalab tuman tushishi kuzatiladi.

Respublikaning tog‘li hududlarida ushbu kunlarda qor ko‘chishi xavfi bor.

Mavzuga doir: O‘zbekistonda kelasi hafta anomal sovuq bo‘lishi kutilmoqda