Toshkentdagi korxona sexida yong‘in yuz berdi (video)

Toshkentning Bektemir tumanida joylashgan korxona sexida yong‘in yuz berdi. Bu haqda FVV matbuot xizmati xabar qildi.

Ma’lum qilinishicha, 5-yanvar kuni soat 14:40 da “Husayn Boyqaro” MFY Husayn Boyqaro ko‘chasida joylashgan korxonalarning biridagi sexda yong‘in sodir bo‘layotgani to‘g‘risida tuman FVBga xabar kelib tushgan.

Shunga ko‘ra 4 ta yong‘in-qutqaruv ekipaji soat 14:43 da voqea joyiga yetib borib, yong‘in soat 14:51 da qurshab olingan va soat 14:57 da o‘chirilgan.

Yong‘in oqibatida sexning taxminan 35 kvadrat metr maydonida penopolistirol mahsulot chiqindilari yongan.

Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.

Mavzuga doir:

• Samarqandda ikkita xonadon yonib ketdi. O‘t o‘chirishga 6 ta yong‘in-qutqaruv ekipaji jalb etilgan
• Namangandagi uyda er-xotin yonib ketdi