RSFSR (Rossiya Sovet Federativ Sotsialistik Respublikasi) Oliy Kengashining so‘nggi raisi Ruslan Xasbulatov 3-yanvar kuni Moskva viloyatida 80 yoshida vafot etdi. Bu haqda “Kommersant” xabar berdi.
Ma’lum qilinishicha, siyosatchining dafn marosimi Chechenistonda bo‘lib o‘tadi. Aniq sanasi ma’lum qilinmagan.
Ruslan Xasbulatov 1942-yilda Grozniyda tug‘ilgan. 1965-yilda Moskva davlat universitetini tamomlagan, 1980-yilda iqtisod fanlari doktori ilmiy darajasini olish uchun nomzodlik dissertatsiyasini himoya qilgan. 1990-yil mart oyida Ruslan Xasbulatov RSFSR xalq deputati etib saylangan. 1990-yil 5-iyunda u RSFSR Oliy Kengashi raisining birinchi o‘rinbosari etib tayinlandi.
1991-yil 19-oktabrda Xasbulatov Rossiya Federatsiyasi Oliy Kengashining raisi lavozimini egalladi. 1994-yildan buyon u Plexanov nomidagi Rossiya iqtisodiyot universitetining Jahon iqtisodiyoti kafedrasi mudiri bo‘lgan.
Izoh (0)