31-yanvar kuni Toshkent—O‘sh avtomobil yo‘lining Qamchiq dovonidan o‘tgan qismida qor yog‘moqda. Bu haqda Favqulodda vaziyatlar vazirligi xabar qildi.
Qayd etilishicha, vazirlik yo‘lni qordan tozalash va muzlamalar hosil bo‘lishining oldini olish, qum-tuz aralashmasini sepish ishlarini muvofiqlashtirib bormoqda. Dovon yo‘li avtomobillar harakati uchun ochiq va ikki tomonlama harakat davom etmoqda.
Yo‘l harakati xavfsizligi xizmati dovon yo‘lidan o‘tayotgan fuqarolarga ogohlantirish bilan chiqdi. Haydovchilardan oraliq masofani saqlab, tezlikni me’yordan oshirmasdan, qoidalarga rioya qilgan holda harakatlanish so‘ralgan.
Izoh (0)