Korxonaning umumiy maydoni 70 000 kv.m. bo‘lib, shundan 10 000 kv/m ishlab chiqarish uchun ajratilgan. Zavodning quvvati — 450 000 m3. Unda 150 nafargacha insonlarning bandligini ta’minlash rejalashtirilgan.
Zavodning tantanali ochilish marosimida Toshkent viloyatining hokimligi, tadbirkorlik subyektlari, OAV va jamoatchilik vakillari ishtirok etishdi.
Qariyb 100-yildirki Germaniyaning YTONG brendi yuqori texnologik qurilish materiallarini ishlab chiqarishda yetakchilik qilib kelmoqda. Bugungi kunda dunyoda 100 dan ortiq YTONG fabrikalari ishlamoqda. Uning bloklari energetik samaradorligi bilan farq qiladi. Standart qurilish bloklariga nisbatan, u 6 baravar past issiqlik o‘tkazuvchanligiga ega, shuning uchun ushbu blokdan qurilgan devor xona haroratini uzoqroq ushlab turadi va kommunal xizmatlar uchun harajatlarni taxminan 35 foizga kamaytiradi. Bundan tashqari, YTONG bloki ekologik toza materiallardan tayyorlangan va yong‘indan xavfsizdir.
Hozirgi kunda, gaz-beton bozordagi devor materiallarining universal turidir. Undan foydalanish usulini har qanday qurilish obyektlarida — kam qavatli individual qurilishlardan tortib, katta ofis, turar joy majmualari va yirik loyihalargacha — topish mumkin. O‘ziga xos xususiyatlari, ya’ni, yetarli darajada mustahkamlik, yaxshi issiqlik o‘tkazuvchanlik va yengil vazni sababli material universaldir va har qanday joyda qo‘llanishi mumkin.
Mahsulot nomenklaturasi faqat YTONG gaz-beton bloklari bilan cheklanmaydi. Keng tarqalgan turli o‘lchamdagi silliq bloklar bilan bir qatorda zavodning assortimentiga radiusli va lekaloli yuzalarni yaratish uchun egri bloklar, kashaklar va U-simon bloklar kirib, ular qurilish sharoitida yechilmas opalubka uchun qo‘llaniladi va mustahkamlangan kashaklar va monolit kuch poyaslarini yaratishda qo‘l keladi.
YTONG seysmik faol hududlarda keng qo‘llaniladi. Gaz-beton bloklar mustahkamlangan tizim, ingichka chokli yelim eritmasi va yengilligi sababli zilzilalarga qarshi chidamlidir.
“Ishlab chiqarishda biz chiqarilayotgan mahsulotning sifatiga katta e’tibor qaratamiz. Bu ustuvor vazifamiz. Bugun hamkorlarimiz bilan O‘zbekistonda Germaniya standartlariga javob beradigan YTONG zavodini ishga tushiryapmiz. Ko‘p davlatlarda sifati e’tirof etilgan mahsulot joyida ishlab chiqarilib, butun Respublikaga yetkaziladi va ishlab chiqarilayotgan mahsulotning o‘zgarmas ishonchliligi, yuqori ekspluatatsion jihatlarini kafolatlaydi”, — ta’kidladi zavod direktori Ayubxon Nuritdinov.
Reklama huquqi asosida.
Izoh (0)