Qashqadaryo viloyati Ko‘kdala tumanidagi 76-maktabda 27-dekabr kuni bir guruh o‘quvchilar mashinada archa atrofida aylandi. Viloyat IIB holat yuzasidan munosabat bildirdi.
Ma’lum qilinishicha, “Suvliq” mahallasida joylashgan 76-maktab o‘yingohida Yangi yil bayrami munosabati bilan o‘rnatilgan archa atrofida 4 nafar 11-sinf o‘quvchisi Lacetti va 2 ta Cobalt’da huquqbuzarlik sodir etgan.
Holat yuzasidan o‘quvchilarning ota-onalariga nisbatan Ma’muriy javobgarlik to‘g‘risidagi kodeksning 47-moddasi 1-qismi bilan ma’muriy bayonnoma rasmiylashtirilib, tegishli chora ko‘rilgan. Voyaga yetmagan o‘quvchilar bilan profilaktik suhbatlar o‘tkazilib, huquqiy tushuntirish ishlari olib borilgan.
Mavzuga doir: Toshkentdagi maktabda IIB xodimlari qo‘lida qaychi bilan o‘quvchilarni tekshirganiga izoh berildi