“Paxtakor” yarim himoyachisi Ikrom Aliboyev faoliyatini Janubiy Koreya chempionatida davom ettiradi.
“Paxtakor” futbolchisi Key-Liga ishtirokchisi “Kanvon”ga transfer qilingan. Bu haqda Toshkent klubi matbuot xizmati ma’lum qildi. Transferning moliyaviy tafsilotlari ochiqlanmagan.
28 yoshli futbolchining “sherlar” bilan amaldagi shartnomasi 2024-yilning dekabriga qadar mo‘ljallangandi.
Aliboyev bunga qadar Janubiy Koreyaning “Seul” (2018—2021) va “Tejon Sitizen” (2021) klublarida faoliyat yuritgan.
“Kanvon” Key-Liga 2022-yilgi mavsumida 12 jamoa ichida 6-o‘rinni egallagandi.
Izoh (0)