Farg‘ona tumani Toshtepa ko‘chasidagi chegara qo‘riqlash postida 26-noyabr kuni haydovchi Cobalt’da harbiy xizmatchini urib ketdi. Viloyat prokuraturasi holat yuzasidan munosabat bildirdi.
Aniqlanishicha, I.M. Cobalt mashinasini boshqarib borib, chegara qo‘riqlash postiga yaqinlashgan vaqtda muddatli harbiy xizmatchi D.O‘.ning to‘xtash haqidagi ishorasiga bo‘ysunmasdan, o‘tib ketgan.
Shundan so‘ng D.O‘. darhol ratsiya orqali o‘zidan 200 metr uzoqlikda xizmat vazifasini olib borayotgan harbiy xizmatchi oddiy askar A.T.ga avtomashina uning qonuniy talabiga bo‘ysunmasdan chegara postini buzib o‘tgani haqida xabar bergan.
A.T. esa ushbu mashinaga to‘xtash ishorasini bergan vaqtida I.M.unga qarab harakatlanib borib, mashinaning old qismi bilan uni qasddan urib yuborib, hodisa joyidan qochib yashiringan. Oddiy askar A.T. olgan tan jarohatlari bilan shifoxonaga yotqizilgan.
Mazkur holat bo‘yicha I.M.ga nisbatan Jinoyat kodeksining 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) 2-qismi bilan jinoyat ishi qo‘zg‘atilgan va unga nisbatan qamoqqa olish ehtiyot chorasi qo‘llanilgan. Hozirda dastlabki tergov harakatlari davom ettirilmoqda.
Izoh (0)