Gollivud aktyori Mett Deymon 2009-yilda bosh rolni o‘ynashi mumkin bo‘lgan “Avatar” filmida suratga tushmagani uchun 250 million dollar yo‘qotganidan afsusda, deb ma’lum qildi blokbaster rejissori Jeyms Kemeron.
Rejissorning so‘zlariga ko‘ra, aktyor hali ham buning uchun o‘zini ayblaydi. Gap shundaki, o‘sha paytda aktyor Deymon “Jeyson Born” filmida suratga tushayotgan bo‘lgan, u jismonan ikkala loyihada ishtirok etishni uddalay olmagan.
Shu bilan birga, Deymonning o‘zi bu to‘g‘ri “axloqiy qaror” ekanini ta’kidlagan edi. “U buning uchun o‘zini ayblaydi. O‘ylashimcha, Met, siz dunyodagi eng katta kino yulduzlaridan biri bo‘ladiganga o‘xshaysiz, bu bilan shug‘ullaning. U Born haqidagi filmda suratga tushayotgandi va biz bu holatda hech narsa qila olmas edik. Shuning uchun u bu loyihani afsus bilan tark etishga majbur bo‘ldi”, — deydi Kemeron.
Rejissor aktyorga shartnoma taklif qilgan, unga ko‘ra Deymon filmning kassa tushumlaridan 10 foizini olishi kerak edi. Ma’lumki, “Avatar” kassada 2 milliard dollar yig‘gan kino tarixidagi birinchi filmga aylandi, demak, taniqli aktyor filmda suratga tushganida 250 million dollardan ko‘proq pul olishi mumkin edi.
Mavzuga doir:
- Mett Deymon kino tarixidagi eng katta shartnomani qanday qilib rad etganini so‘zlab berdi. “Avatar”dagi bosh rol uchun Jeyms Kemeron unga yig‘imlarning 10 foizini taklif qilgan.
- “Titanik”da Makoley Kalkin, “Avatar”da Mett Deymon. Mashhur filmlarda rol o‘ynashi mumkin bo‘lgan aktyorlar (foto).
- Mett Deymon Tramp ishtirokidagi filmlar soni ko‘pligiga izoh berdi.
Izoh (0)