TikTok ijtimoiy tarmog‘iga egalik qiluvchi Xitoyning ByteDance kompaniyasi rahbari Rubo Lyan foydalanuvchi ma’lumotlari o‘g‘irlanganini tan oldi. Bu haqda The New York Times xabar berdi.
Kompaniya xodimlari videoplatformaning bir qator foydalanuvchilari, jumladan, ikki jurnalistning ma’lumotlarini noqonuniy ravishda qo‘lga kiritgan.
“Foydalanuvchilar ishonchini qurish uchun qilgan mehnatimizga bir necha kishining noto‘g‘ri xatti-harakati katta putur yetkazadi”, — deydi TikTok egasi.
Yozda kompaniyaning bir necha xodimlari jurnalistlarning ichki suhbatlari va ish hujjatlarining sizdirilishi bo‘yicha manbalarni topishga harakat qilgan. Forbes’da ishlovchi ikki muxbirning IP manzillari va boshqa ma’lumotlariga TikTok akkaunti orqali kirish mumkin bo‘lgan.
Ichki tergov Forbes ByteDance muayyan Amerika fuqarolarining jismoniy joylashuvini kuzatish uchun TikTok’dan foydalanishni rejalashtirayotgani haqidagi xabardan keyin boshlangan. Bu xavotirlarning bir qismini tasdiqlagan. Ushbu sxemada ishtirok etgan to‘rt xodim (ikkitasi Xitoyda, ikkitasi AQSHda) ishdan bo‘shatilgan. ByteDance AQSHda ma’lumotlarga kirishni yopib qo‘ygan.
Sentabrda sodir bo‘lgan bu voqea kompaniyadagi xavfsizlik me’yoriy darajada emasligidan dalolat beradi. O‘shanda AgainstTheWest xakerlar guruhi TikTok video platformasining ikki milliard foydalanuvchisi ma‘lumotlari o‘g‘irlanganini e’lon qildi.
BeeHive CyberSecurity kiberxavfsizlik kompaniyasi TikTok’da ma’lumotlar sizib chiqishi mumkinligi haqida ogohlantirdi. Kompaniya mutaxassislari mashhur ijtimoiy tarmoq foydalanuvchilariga parollarini o‘zgartirish va ikki faktorli autentifikatsiyani o‘rnatishni tavsiya qildi.
“Bizning xavfsizlik guruhimiz ma’lumotlarga buzib kirilgani haqidagi da’volarni tekshirib chiqdi va platformaning xavfsizlik tizimlari buzilgani haqida hech qanday dalil topmadi”, — dedi TikTok vakili.
Shu bilan birga, u foydalanuvchilar ma’lumotlarining maxfiyligi va xavfsizligi ijtimoiy tarmoqning asosiy ustuvor yo‘nalishi ekanini aytdi.
Mavzuga doir: AQSHda TikTok’ni taqiqlash taklif qilindi
Izoh (0)