Uzbekistan Airports matbuot xizmati Toshkent xalqaro aeroportiga 21-dekabrdan boshlab Shukurjon G‘oipov rahbar etib tayinlanganini e’lon qildi.
Qayd etilishicha, aksiyadorlik jamiyati boshqaruvi qarori bilan aeroport direktori lavozimini tark etgan Mirzohid Tursunov o‘rniga Toshkent xalqaro aeroporti direktori vazifasini bajaruvchi etib tayinlandi.
Shukurjon G‘oipov O‘zbekiston Milliy universitetining siyosatshunoslik fakultetini tamomlagan. Mehnat faoliyatini Toshkent aeroportida havo kemalariga texnik xizmat ko‘rsatishni muvofiqlashtirish va nazorat qilish bo‘limida muhandis sifatida boshlagan. 2018-yildan hozirgacha “Toshkent-1” hukumat terminali rahbari lavozimida ishlab kelgan.
Eslatib o‘tamiz, Uzbekistan Airports AJ respublikaning 11 ta xalqaro aeroporti boshqaruvini amalga oshiruvchi kompaniya hisoblanadi.
Mavzuga doir: Urganch xalqaro aeroportiga yangi direktor tayinlandi
Izoh (0)