“Real” JCH—2022 yulduzlaridan biri Gvardiolga qiziqish bildirmoqda

“Leypsig” klubi va Xorvatiya terma jamoasi himoyachisi Yoshko Gvardiol faoliyatini Ispaniya La Ligasida davom ettirishi mumkin.

Marca nashrining xabar qilishicha, futbolchiga “Real”dan qiziqish bor. Madridliklar anchadan beri Gvardiolni kuzatib boradi.

Transferni amalga oshirishda “Leypsig”ning ko‘p pul so‘rashi muammo bo‘lishi mumkin. Sababi “buqalar” Yoshkoni sotishga shoshilmayapti va talabgorlarga katta narx aytishi mumkin.

Ayrim xabarlarga ko‘ra, “Real” 20 yoshli iqtidor egasi uchun nemis klubiga 90 million yevro taklif qilgan. Gvardiolning o‘ziga esa yiliga 6 million yevro maosh berishga tayyor bo‘lgan.

Xorvatiyalik futbolchi JCH—2022 dagi ishonchli o‘yini sabab ko‘plab klublar qiziqishi sabab bo‘lmoqda. Avvalroq Angliyaning Manchester shahri jamoalari va “Chelsi” himoyachiga qiziqish bildirayotgani hamda transfer uchun 90—100 million yevro sarflashga tayyor ekani xabar qilingandi.