Moliya vazirligiga 73,4 trln, Xalq ta’limi vazirligiga 26,7 trln so‘m: O‘zbekistonda 2023-yilda davlat idoralari budjetdan qancha mablag‘ olishi e’lon qilindi

Bugun, 22-dekabr kuni Oliy Majlis Qonunchilik palatasida “2023-yil uchun O‘zbekiston Respublikasining Davlat budjeti to‘g‘risida”gi qonun loyihasi ikkinchi o‘qishda ko‘rib chiqildi.

2023-yilda yalpi ichki mahsulotning 5,3 foiz o‘sishi prognoz qilingan. Yalpi ichki mahsulotning ko‘zlangan o‘sish sur’atlari sanoatda ishlab chiqarishning 5,1 foizdan yuqori bo‘lishi, xizmatlar sohasida 6,7 foizga, qishloq xo‘jaligida 3,5 foizga o‘sishi hisobiga ta’minlanishi prognoz qilinmoqda.

Shuningdek, 2023-yil uchun Davlat budjeti daromadlari (Davlat maqsadli jamg‘armalariga transfertlarni inobatga olmagan holda) 232,1 trln so‘m, xarajatlari esa (Davlat maqsadli jamg‘armalariga transfertlarni inobatga olmagan holda) 227,9 trln so‘m miqdorida bo‘lishi belgilangan. 

Bundan tashqari, davlat maqsadli jamg‘armalari daromadlari 41,3 trln so‘m miqdorida, xarajatlari esa 70,2 trln so‘m miqdorida rejalashtirilmoqda. Bunda Davlat maqsadli jamg‘armalariga O‘zbekiston budjetidan 29,9 trln so‘m transfertlar ajratish belgilangan.

2023-yil uchun birinchi darajali budjet mablag‘larini taqsimlovchilariga ajratiladigan mablag‘larning cheklangan miqdorlari quyidagicha: 

1. Xalq ta’limi vazirligi — 26,7 trln (2022-yil — 25,8 trln);
2. Maktabgacha ta’lim vazirligi — 8 trln (6,5 trln);
3. Oliy va o‘rta maxsus ta’lim vazirligi — 6 trln (4,1 trln);
4. Sog‘liqni saqlash vazirligi — 3,66 trln (3 trln);
5. Madaniyat vazirligi — 746 mlrd (728 mlrd);
6. Sportni rivojlantirish vazirligi — 1,219 trln (qayta tashkil etildi);
7. Innovatsion rivojlanish vazirligi — 1 trln (843,3 mlrd);
8. Uy-joy kommunal xizmat ko‘rsatish vazirligi — 1,273 trln (1,324 trln);
9. Qishloq xo‘jaligi vazirligi — 657 mlrd (615,8 mlrd);
10. Suv xo‘jaligi vazirligi  — 3,382 trln (3,440 trln);
11. Energetika vazirligi — 70,5 mlrd (55 mlrd);
12. Transport vazirligi — 5,195 trln (5,877 trln);
13. Ekologiya va atrof-muhitni himoya qilish davlat qo‘mitasi — 278,4 mlrd (38,4 mlrd);
14. Geologiya va mineral resurslar davlat qo‘mitasi — 1,117 trln (1,1 trln);
15. Ipakchilik va jun sanoatini rivojlantirish qo‘mitasi — 176,8 mlrd (186,6 mlrd);
16. Turizm va madaniy meros vazirligi — 340 mlrd (qayta tashkil etildi);
17. Sanoat xavfsizligi qo‘mitasi — 14,142 mlrd (14,3 mlrd);
18. O‘rmon xo‘jaligi davlat qo‘mitasi — 203,6 mlrd (136,8 mlrd);
19. Veterenariya va chorvachilikni rivojlantirish qo‘mitasi — 665,6 mlrd (246,8 mlrd);
20. Monopoliyaga qarshi kurashish qo‘mitasi — 10 mlrd (8,9 mlrd);
21. Davlat aktivlarini boshqarish agentligi — 11 mlrd (10,7 mlrd);
22. Bandlik va mehnat munosabatlari vazirligi — 478 mlrd (1,254 trln);
23. Davlat statistika qo‘mitasi — 197,6 mlrd (264,6 mlrd);
24. Qurilish vazirligi — 232 mlrd (358,9 mlrd);
25. Tashqi ishlar vazirligi — 765,4 mlrd (577,1 mlrd);
26. Investitsiyalar va tashqi savdo vazirligi — 931 mlrd (415,8 mlrd);
27. AT va kommunikatsiyalarini rivojlantirish vazirligi— 183,6 mlrd (160 mlrd);
28. Adliya vazirligi — 214,8 mlrd (164,9 mlrd);
29. Iqtisodiy taraqqiyot va kambag‘allikni qisqartirish vazirligi — 16,2 trln (769,2 mlrd);
30. Moliya vazirligi — 73,4 trln (73,5 trln);
31. Davlat soliq qo‘mitasi — 1,5 trln (1,5 trln);
32. Hukumat — 1,949 trln (1,6 trln);
33. Prezident adminstratsiyasi — 1,241 trln (795,1 mlrd);
34. Senat — 92,8 mlrd (148,2 mlrd);
35. Oliy Majlis Qonunchilik palatasi — 394,5 mlrd (237,9 mlrd);
36. Ombudsman — 16,4 mlrd (8,3 mlrd);
37. Bosh prokuratura — 1,494 trln (1,357 trln);
38. Oliy sud — 1,185 trln (1 trln);
39. Konstitutsiyaviy sud — 8,8 mlrd (12,2 mlrd);
40. Sudyalar oliy kengashi — 35 mlrd (33,1 mlrd);
41. Korrupsiyaga qarshi kurashish agentligi — 23,6 mlrd (20 mlrd);
42. Markaziy saylov komissiyasi — 16,5 mlrd (11 mlrd);
43. MTRK — 521,9 mlrd (561,4 mlrd);
44. O‘zA — 33,7 mlrd (20,6 mlrd);
45. “O‘zarxiv” — 13,6 mlrd (10,4 mlrd);
46. Ma’naviyat va ma’rifat markazi — 65,7 mlrd (62,3 mlrd);
47. O‘zgidromet — 166 mlrd (180,7 mlrd);
48. Inson huquqlari bo‘yicha milliy markaz — 13,4 mlrd (11,4 mlrd);
49. Yoshlar ishlari agentligi — 375 mlrd (212,8 mlrd);
50. Mahalla va nuroniylar vazirligi — 87,6 mlrd (57,4 mlrd);
51. Kasaba uyushmalari federatsiyasi — 150 mlrd (o‘tgan yili olmagan);
52. O‘zFA — 364,8 mlrd (328,2 mlrd);
53. Davlat xizmatini rivojlantirish agentligi — 267 mlrd (230 mlrd);
54. Hisob palatasi — 69 mlrd (60,4 mlrd);
55. Prezident ta’lim muassasalari agentligi — 665,2 mlrd (430,5 mlrd);
56. Tibbiy-ijtimoiy xizmatlarni rivojlantirish agentligi — 276,3 mlrd (90 mlrd);
57. Kinematografiya agentligi — 125,8 mlrd (233 mlrd);
58. O‘simliklar karantini va himoyasi agentligi — 102,3 mlrd (87,4 mlrd);
59. Strategik islohotlar agentligi — 35,8 mlrd (7,5 mlrd so‘m);
60. Oila va xotin-qizlar qo‘mitasi — 92,8 mlrd 
61. Boshqa tashkilotlar — 36 trln (29 trln).