Qozog‘istonda Rossiya prezidentining qo‘riqlash xizmati sobiq xodimi hibsga olindi. Bu haqda “NUR.kz” xabar berdi.
Ostona prokuraturasiga ko‘ra, erkak Rossiya huquq-tartibot idoralari tomonidan chegarani noqonuniy kesib o‘tgani va xizmatdan qochgani uchun qidiruvga berilgan.
“Uni uzoq muddatga hibsda saqlash masalasi Qozog‘iston jinoyat-protsessual qonunchiligi normalariga muvofiq hal qilinadi”, — deyiladi poytaxt prokuraturasi xabarida.
Qozog‘istondagi Rossiya fuqarosi prokurorlarning iltimosnomasidan so‘ng hibsga olingandi. U Rossiya xavfsizlik xizmatining Sibir federal okrugidagi maxsus aloqa va axborot bo‘limida smena boshlig‘i bo‘lib ishlagan. Qo‘lga olingan erkak Putinning hukumat aloqalariga mas’ul edi va davlat sirlariga kirish huquqiga bo‘lgan. Shu sababli unga mamlakatdan chiqish taqiqlangandi.
Avvalroq Rossiya prezidenti tansoqchilari bilan aloqasi bor manba Putinning qarorgohida zinadan yiqilib tushganini aytgandi. Hodisa prezidentning shaxsiy qo‘riqchilari ko‘z o‘ngida sodir bo‘ldi, ular zudlik bilan Putinga yordam bergan.
Uch nafar xavfsizlik xodimi Putinni divanga o‘tqizgan va qarorgohdagi navbatchi shifokorlarni chaqirgan.Tez tibbiy yordam xodimlari bir necha daqiqadan so‘ng yetib kelgan.
Izoh (0)