Qozog‘istonlik cho‘pon bola To‘ybek Sayat qishloq hayoti, yolg‘izlik haqidagi videolarini ijtimoiy tarmoqqa joylashtirish orqali mashhurlikka erishdi. Uning videolari bir necha oy ichida o‘n millionlab ko‘rilishlarga ega bo‘ldi.
Masalan, To‘ybekning tug‘ilgan kunidan olingan video ijtimoiy tarmoq foydalanuvchilarida katta taassurot qoldirdi: yosh bloger o‘ziga tort tayyorlab, yolg‘iz o‘zi tug‘ilgan kunini nishonladi va uyquga ketishdan oldin yig‘ladi.
U o‘z videolarida an’anaviy vlog formatlaridan foydalanadi, masalan, hayotidagi bir kunni ko‘rsatadi, mashhur treklarni eshitib taomlar pishiradi.
To‘ybek uchun odatiy kun shunday o‘tadi: u ertalab soat 7:00 da turadi, kiyinadi va ko‘zadagi suvdan yuvinadi, 7:30 da nonushta qiladi, 8:00 da uydan chiqib dalaga ketadi. Cho‘pon taxminan soat 18:00 da qaytib keladi, 19:00 dan keyin kechki ovqatni iste’mol qiladi, keyin ijtimoiy tarmoqlarga kiradi, televizor ko‘radi, darslarini qiladi va soat kechki 22:00 da uxlaydi.
Cho‘pon bola To‘ybekning tug‘ilgan kunini nishonlagani aks etgan videorolik tomoshabinlarga manzur bo‘lmoqda. U qayg‘uli musiqani eshitib mikroto‘lqinli pechda o‘zi uchun tort pishiradi. Roppa-rosa kechki 12:00 da u shamni o‘chiradi va yolg‘izlikda bir bo‘lak tort yeydi. Uxlashdan oldin bola mushukni quchoqlaydi va yig‘laydi.
To‘ybek TikTok’ga sentabr oyida qo‘shilgan, biroq uning hozirda ko‘plab kuzatuvchilari bor va cho‘pon ular bilan ijtimoiy tarmoqlarda muloqot qiladi. Yaqinda ijtimoiy tarmoq foydalanuvchilari blogerga iPhone sovg‘a qildi.
Izoh (0)