Bugun,

  • USD 11095.31
  • RUB 173.84
  • EUR 10772.44

Buyuk Britaniya bosh vaziri Rishi Sunak 2023-yilda Ukrainaga yuz minglab artilleriya o‘q-dorilarini taqdim etish rejalari haqida e’lon qiladi, bu haqda hukumat rahbari kanselyariyasi bayonot berdi. Yordam 250 million funt sterling (304 million dollar)lik shartnoma doirasida taqdim etiladi. 2022-yilda London Ukrainaga 100 mingta o‘q-dori yuborgan.

Foto: Delfi

Foto: Delfi

Sunak Shimoliy Yevropa va Boltiq mamlakatlari, shuningdek, Niderlaniya yetakchilari bilan uchrashuv chog‘ida bayonot bilan chiqadi. U ushbu davlatlar yetakchilarini 2023-yilda Ukrainani qo‘llab-quvvatlashda davom etishga yoki ko‘mak hajmini oshirishga da’vat etmoqchi.

Tadbir Rigada bo‘lib o‘tadi, unda onlayn formatda Ukraina prezidenti Vladimir Zelenskiy ham qatnashadi. Shundan keyin Sunak Estoniyaga jo‘nab ketib, u yerda NATOning ko‘pmillatli batalyoni tarkibida xizmat o‘tayotgan britaniyalik harbiylar bilan uchrashadi.

BBC ma’lumotlariga ko‘ra, Rishi Sunak avvalroq Kiyevga harbiy ko‘mak Rossiya bilan qurolli nizoga qanday ta’sir ko‘rsatishini baholashni so‘ragan. Telekanal da’vo qilishicha, yuqori mansabli amaldorlar bosh vazir “o‘ta ehtiyotkor yondashuvni tanlagani”dan xavfsiramoqda.

Avvalroq Sunak Buyuk Britaniya 2023-yilda Ukrainaga harbiy yordamni oshirishini va’da qilgandi. “Shubha qilmang. Biz Ukrainani qancha vaqt kerak bo‘lsa, shuncha qo‘llab-quvvatlaymiz. Kelgusi yilda harbiy yordamni saqlab qolamiz yoki oshiramiz. Shuningdek, Ukraina xalqi va muhim infratuzilmasini himoya qilish uchun havo mudofaasini qo‘llab-quvvatlaymiz”, — degan edi u.

Izoh
Asosiy yangiliklar
Iqtisodiyot
O‘zbekistonda 2035-yilga borib aholi 45 milliondan oshishi kutilyapti — PMTI
Dunyo
Afg‘onistonda yuqori martabali amaldorlar “Tolibon” yetakchisini taxtdan ag‘darmoqchi 
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda