Argentina terma jamoasi bosh murabbiyi Lionel Skaloni JCH—2022 finali doirasida Fransiyaga qarshi kechadigan o‘yin oldidan o‘z fikrlari bilan o‘rtoqlashdi.
“Fransiyaga qarshi qanday uslubda o‘ynashimiz borasida qaror chiqarib bo‘ldim. Bizning g‘oya shundan iboratki, raqibga muammo yaratgan holda, o‘zimiz bundan imkon qadar kamroq zarar ko‘rishimiz kerak.
Bizningcha, ular biz qanday o‘ynashimizga qarab harakat qiladi, biz shunga yarasha tayyorgarlik ko‘rdik.
Messi? Bu Leo uchun so‘nggi o‘yin bo‘ladigan bo‘lsa, sovrin qo‘lga kirita olishga umid qilamiz. Bu ajoyib ish bo‘lardi. Jahon Chempionati finalidagi g‘alabadan boshqa yana qanday ssenariy yaxshiroq bo‘lishi mumkin?”, — deydi Skaloni.
Argentina va Fransiya terma jamoalari o‘rtasidagi uchrashuv 18-dekabr kuni O‘zbekiston vaqti bilan 20:00 da boshlanadi.
Mavzuga doir: Didye Desham: “Ayrim fransuzlar ham Messining g‘alabasini istamoqda, biroq biz chempionlik uchun barcha ishni qilamiz”
Izoh (0)