PravilaMag portali xabar berishicha, Amerikaning Dictionary onlayn lug‘ati “ayol” (woman) so‘zini 2022-yil so‘zi deb topdi.
Lug‘at tuzuvchilarning fikriga ko‘ra, 2022-yil qisman ayollarga ta’siri va ayollarning ham o‘zgaruvchan dunyoga ta’siri bilan esda qoladi. Masalan, o‘z huquqlari uchun kurashayotgan eronlik ayollarning ommaviy noroziliklari, amerikalik Serena Uilyamsning professional tennisdan ketishi, Buyuk Britaniya qirolichasi Yelizaveta II ning o‘limi, AQSHda ayollarning abort bo‘yicha konstitutsiyaviy huquqi bekor qilinishi va boshqa ko‘plab yangiliklar woman so‘zini bu yil eng ko‘p so‘ralayotgan so‘zga aylantirdi.
“Bu so‘z nafaqat lug‘at boyligimiz uchun, balki inson sifatida kim ekanimizni anglatish uchun ham ahamiyatli hisoblanadi. Bu so‘z shiddatli shaxsiy muhimlik va ijtimoiy bahs-munozaralar manbayi bo‘lib qolmoqda”, — deb yozadi lug‘at mualliflari.
Dictionary lug‘atida yil so‘zi uchun boshqa nomzodlar sifatida Ukraina bayrog‘idagi emoji, “inflyatsiya”, “indamay ishdan bo‘shatish”, “demokratiya” va “tinchlik” so‘zlari bo‘lgan.
Izoh (0)