“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 11-soni mavzusi “Tazyiq va zo‘ravonlik — nomardlik” bo‘lib, dastur mehmoni sifatida iqtisod fanlari doktori, professor Barnogul Sanakulova taklif etildi.
Biz bugun imitatsiya bilan shug‘ullanyapmiz. Go‘yoki NNTlar bor, go‘yoki ular zo‘r ishlayapti. Ularning orasida haqiqatan ishlayotganlari ham yo‘q emas. Lekin xo‘jako‘rsinga ishlashni chetga surib qo‘yib, ijtimoiy faol, g‘oyalarga ega va eng muhimi, ayollarni yaxshi ko‘radigan ayollarga imkoniyat berish kerak. Ming afsus, oxirgi bir oyda amin bo‘ldimki, biz xotin-qizlar muammosini ayollarni yaxshi ko‘rmaydigan, doim e’tiborsiz qoldiradigan, ularga loqayd bo‘lganlarga topshirib qo‘ygan ekanmiz. Bunday masalalarda ayolni ayol yaxshi ko‘rishi, bag‘rikeng bo‘lishi, qadrlashi va qayg‘urishi kerak.Xotin-qizlar qo‘mitasidan umidim katta emas, ularni tanqid qilishni xohlamayapman va bu befoydaligini tushundim. Lekin Senat bu masalaga juda jiddiy qarayapti. “Pilot” rejimidagi jamoalar tuzishni rejalashtiryapmiz. Men ham o‘zimga bog‘liq, foydasi tegishi mumkin bo‘lgan takliflarimni beryapman. Jamoa boshida yoki ortda turib ishlashga tayyorligimni bildirdim, – deydi Barnogul Sanakulova.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)