20 yoshli eronlik Afshin Ismoil Qodirzoda dunyodagi eng pakana odam sifatida Ginnesning rekordlar kitobiga kiritildi. Uning bo‘yi 64 santimetrni tashkil qiladi.
Ota-onasining aytishicha, Afshin tug‘ilgan vaqtida 600 gramm vaznga ega bo‘lgan. Shifokorlarning salbiy prognozlariga qaramay, bola yashab ketgan. Yigitning o‘zi tashqi ko‘rinishidan uyalmaydi. Hozir esa uning vazni qariyb 6,5 kilogrammga teng.
“Dunyodagi eng baland bo‘yli odam kimligini bilaman. Men uning kaftlariga bemalol sig‘aman”, — deb hazillashdi Afshin.
U jismoniy o‘ziga xosliklari tufayli ish topishga qiynalayotganidan shikoyat qildi. Biroq Ginness rekordlari kitobiga kirishi natijasida u qozongan shuhrat o‘z oilasini moliyaviy qo‘llab-quvvatlashda yordam berishiga umid qilmoqda.
“Men o‘z ota-onamga yordam berishni orzu qilaman. Dunyo bo‘yicha e’tirof etilishim menga orzumni amalga oshirishda yordam berishi mumkin”, — dedi u.
Rekord tashkilotning Dubaydagi idorasida qayd etildi. Ginness rekordlari xodimlari Afshinning bo‘yini uch marta qayta o‘lchab, u avvalgi rekordchi — kolumbiyalik Edvard Ninyo Ernandesdan 6,8 santimetrga kaltaroq ekanini aniqladi.
Izoh (0)