Polsha politsiyasi bosh komendanti Yaroslav Shimchik idora bosh qarorgohida yuz bergan portlash oqibatida jarohatlandi. U yengil yaralandi va kasalxonaga olib ketildi. Bu haqda mamlakat Ichki ishalr vazirligi xabar bermoqda.
Portlash 14-dekabr kuni SHimchikning kabinetiga yondosh xonada sodir bo‘ldi. IIV ma’lumotlariga ko‘ra, Polsha politsiyasi bosh komendanti Ukrainaga tashrifi chog‘ida ukrain xizmatlari rahbarlaridan biri bergan sovg‘a portlab ketgan.
Portlash tufayli Varshava Kiyevdan izoh talab qildi. Ukraina Tashqi ishlar vazirligi portlash haqidagi xabarlarni ko‘rganini va tafsilotlarni aniqlashtirayotganini ma’lum qildi.
O‘z navbatida, Radio Zet mahalliy nashri o‘z manbalariga tayanib xabar berishicha, Polsha politsiyasi komendanti xonasida granatomyotdan o‘q otilgan. Natijada, OAVlarga ko‘ra, xonaning shifti teshilgan, yuqorida joylashgan xonalarda navbatchilik qilayotgan qo‘riqchi jabrlangan.
Wyborcza gazetasi ma’lum qilishicha, granatomyot “maxfiy xona”da saqlangan. Politsiya xodimlari o‘sha xonaga kirib, qurol bilan “o‘ynagan”.
Izoh (0)