Andijonda tumangaz boshlig‘i ushlandi

Ijtimoiy tarmoqlarda “Buloqboshi tumangaz boshlig‘i qamoqqa olinibdi” sarlavhali xabar tarqalgandi. Holat yuzasidan Andijon viloyati prokuraturasi rasmiy ma’lumot berdi.

Aniqlanishicha, “Hududgaz Andijon” hududiy gaz ta’minoti filialining Buloqboshi tumani bo‘limi boshlig‘i Sh.Sh. va boshqalar juda ko‘p miqdordagi o‘zganing mulkini rastrata qilish yo‘li bilan talon-toroj qilgan.

Mazkur holat yuzasidan 15-dekabr kuni hududiy gaz ta’minoti filialining Buloqboshi tumani bo‘limi boshlig‘i Sh.Sh. va boshqalarga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) 3-qismi “a” bandi bilan jinoyat ishi qo‘zg‘atilib, Sh.Sh. protsessual tartibda gumonlanuvchi tariqasida ushlangan.

Dastlabki tergov harakatlari tuman prokuraturasi tomonidan olib borilmoqda.

Mavzuga doir:

• Qashqadaryoda bo‘lim va uchastka boshliqlari 2,5 ming dollar pora bilan qo‘lga tushdi
• Toshkent, Samarqand va Jizzax viloyatlarida elektr energiyasidagi qarzdorlikni yo‘q qilish uchun pul olgan mas’ullar ushlandi
• Surxondaryoda elektr ta’minoti korxonasi rahbari 1500 dollar pora bilan ushlandi