Bugun,

  • USD 11095.31
  • RUB 173.84
  • EUR 10772.44

Gollivudning xorijiy matbuot assotsiatsiyasi rasman “Oltin globus” mukofotining 2023-yilgi nomzodlari ro‘yxatini e’lon qildi.

Foto: “Yandeks.ru”

Foto: “Yandeks.ru”

“Hamma narsa hamma joyda bir vaqtning o‘zida” kinokartinasi 2022-yilning eng mashhur, sevimli loyihalaridan biriga aylandi. Film bir vaqtning o‘zida mukofotning oltita yo‘nalishida: uchta aktyor ishi (Mishel Yeo, Jeymi Li Kertis va Ke Xyui Kuan), rejissorlik va ssenariy uchun (Deniel Kvan, Deniel Sheynert) nomzodlar ro‘yxatiga kiritildi. Film, shuningdek, “Eng yaxshi komediya va musiqiy film” nominatsiyasi uchun Demiyen Shazelning “Vavilon”, Martin Makdonaning “Inisherinalik Banshi”, Rayan Jonsonning “Shisha piyoz” filmi Kann kinofestivalining g‘olibi Ruben Estlundning “G‘am uchburchagi” komediyasi bilan bellashadi.

“Eng yaxshi dramatik film” nominatsiyasida Jeyms Kemeronning “Avatar: Suv yo‘li”, Baz Lurmanning “Elvis”, Stiven Spilbergning “Fabelmanlar”, Todd Fildning “Tar” va Jozef Kosinskining “Top Gan: Meverik” filmlari nomzodlar qatoriga kiritildi.

Foto: The Symbol

Foto: The Symbol

“Eng yaxshi dramatik serial” yo‘nalishida “Kalmar o‘yini”, “Yaxshisi, Soulga qo‘ng‘iroq qiling”, “Toj”, “Ajdarho uyi” va “Ozark” va “Ajratish”, komediyalar qatorida “Ebbott boshlang‘ich maktabi”, “Ayiq”, “Uenzday”, “Bir binodagi qotilliklar” va “Ayyorliklar” loyihalari nomzod bo‘ldi.

“Eng yaxshi dramatik film aktyori” nominatsiyasida Ostin Batler (“Elvis”), Brendan Freyzer (“Kit”), Xyu Jekman (“O‘g‘il”), Bill Nigi (“Tirik”) va Jeremi Pope (“Inspeksiya”) nomzod sifatida ko‘rsatildi. “Eng yaxshi dramatik film aktrisasi”: Keyt Blanshet (“Tar”), Oliviya Kolman (“Nur imperiyasi”), Viola Devis (“Jangchi malika”), Ana de Armas (“Blondika”) va Mishel Uillyams (“Fabelmanlar”)  “Oltin globus” mukofotiga nomzodlari ro‘yxatiga kiritildi.

2022-yilning ikkita eng yirik shousi — “Oq lotus: Sitsiliya” va “Monstr: Jeffri Dahmer hikoyasi” mini-seriallar uchun deyarli barcha toifalarda bir-biri bilan raqobatlashadi. Ikkalasi ham “Pem va Tommi” va “Qora qush” bilan bir qatorda eng yaxshi shoular nominatsiyasiga da’vogarlik qiladi. “Oq lotus” filmi yulduzlari Jennifer Kulidj, Obri Plaza va Myurrey Abraham “Monstr: Jeffri Dahmer hikoyasi” loyihasi aktyorlari Evan Peters, Richard Jenkins va Nisi Nesh-Betts kabi “Eng yaxshi rol” nominatsiyasiga nomzod sifatida taqdim etildi.

Ma’lumot uchun, “Oltin globus” mukofotining 80-taqdirlash marosimi 2023-yilning 10-yanvar sanasida bo‘lib o‘tadi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi