Mol go‘shti, no‘xat va sabzi qo‘shib tayyorlanadigan mazali salat retsepti

Mol go‘shti, sabzi, no‘xat qo‘shib tayyorlanadigan salat mazali ta’mga ega. Tuzlangan piyoz va ko‘katlar uni yanada xushta’m qiladi.

Kerakli masalliqlar:

• mol go‘shti — 300 g
• tuxum — 4-5 dona
• piyoz — 1 dona
• suv — 2 qoshiq
• olma sirkasi — 2 qoshiq
• konservalangan no‘xat — 200-250 g
• mayonez — ta’bga ko‘ra
• “morkovcha” — 200 g

1. Mol go‘shtini taxminan bir soat, tuxumni esa 10 daqiqa davomida qaynatib sovutib oling.
2. Piyozni ham ta’bingizga ko‘ra qalin yoki yupqa shaklda to‘g‘rab oling. Iliq suvni sirka bilan aralashtiring. Unga piyozni soling va aralashtirib 15 daqiqaga qoldiring. Keyin suyuqlikni to‘kib tashlab sabzavotni ozgina siqib oling.
3. Mol go‘shti va tuxumni mayda bo‘laklarga bo‘ling.
4. Tuxum, mol go‘shti, piyoz va no‘xatni navbat bilan salat idishlarga soling. Har bir mahsulotdan keyin idishga mayonez soling.
5. Salatning ustiga “morkovcha” va ko‘katlarni solib bezating.

Mavzuga doir: 

• Tovuq go‘shtli, olmali: Olivye salatining 4 xil noodatiy retsepti.
• Yasmiq qo‘shib turkcha qovoqli sho‘rva tayyorlaymiz.
• Tanadagi yog‘larni eritishga yordam beradigan 4 xil mazali sho‘rva retsepti.
• Mol go‘shti va kartoshkadan mazali taom tayyorlaymiz.