AQSH prezidenti Jo Bayden dunyo hamjamiyati yana pandemiyaga duch kelishidan ogohlantirdi. U 13—15-dekabr kunlari Vashingtonda bo‘lib o‘tadigan AQSH—Afrika sammitida shunday bayonot berdi.
“Hatto COVID-19 tarqalishiga qarshi kurashish paytida ham, biz sog‘liqni saqlash muammolariga, jumladan, yangi pandemiyaga qarshi kurashishga eng yaxshi tayyorgarlik ko‘rishimiz kerak. Buning uchun sog‘liqni saqlash tizimi va institutlarini yanada kuchliroq qilib qurishda hamda umumiy tibbiy qamrovni ta’minlash bo‘yicha sa’y-harakatlarni oshirishda davom etishimiz zarur. Va shubhasiz, shunday qilamiz”, — dedi Amerika rahbari.
Bayden, shuningdek, AQSH Afrikaning 49 davlatiga 231 million doza vaksina yetkazib berganini ta’kidladi. Bundan tashqari, AQSH Afrikaning o‘z vaksinalarini ishlab chiqarish salohiyatiga sarmoya kiritgan. Oq uy rahbarining fikricha, Afrika muvaffaqiyati butun insoniyat muvaffaqiyatiga olib keladi.
Sentabr oyida Jo Bayden pandemiya tugashiga qaramay, COVID-19 bilan bog‘liq muammo AQSHda saqlanib qolayotganini va ular bu borada ishlashda davom etishini aytgandi.
Izoh (0)