FIFA tomonidan yilning eng yaxshilari taqdirlanadigan The Best marosimi 2023-yilning 27-fevrali kuni bo‘lib o‘tadi. Bu haqda tashkilot matbuot xizmati ma’lum qildi.
Ovoz berish jarayonlari 12-yanvardan start oladi. Marosimda erkaklar va ayollar futbolida eng yaxshi o‘yinchi, murabbiy hamda darvozabon aniqlanadi. Shuningdek, feyr-pley, eng chiroyli gol uchun Pushkash sovrini va eng yaxshi muxlislar uchun ajratilgan sovrin o‘z egasini topadi. Yana yilning ramziy termasi aniqlanadi.
Ovoz berish jarayonida 2021-yilning 8-avgustidan 2022-yilning 18-dekabriga qadar bo‘lgan davr inobatga olinadi.
2021-yilgi marosimda Robert Levandovski yilning eng yaxshi o‘yinchisi deb topilgandi.
Izoh (0)