Surxondaryo viloyatining Angor tumanida Lada Samara haydovchisi mast holda yo‘lda yotgan piyodani bosib ketib, uning o‘limiga sababchi bo‘ldi.
Viloyat IIB matbuot xizmati xabariga ko‘ra, voqea 12-dekabr kuni soat 19:30 larda yuz bergan. Haydovchi birinchi yordam ko‘rsatmasdan hodisa joyidan qochib ketgan. YTH oqibatida og‘ir tan jarohati olgan 46 yoshli fuqaro shu joyning o‘zida vafot etgan.
Qayd etilishicha, hodisaga yo‘lda ajratuvchi chiziqlarning chizilmagani va tungi yoritish chiroqlarining yo‘qligi ham sabab bo‘lgan.
Holat yuzasidan Jinoyat kodeksining 266-moddasi 2-qismi (transport vositalarini yoki ulardan foydalanish xavfsizligi qoidalarini buzish odam o‘limiga sabab bo‘lishi) va 117-moddasi 2-qismi (xavf ostida qoldirish) bilan jinoyat ishi qo‘zg‘atilgan.
Mavzuga doir: Qarshida 13 yoshli qizni urib yuborib, voqea joyidan qochib ketgan Cobalt haydovchi topildi
Izoh (0)