Iordaniyaning Jordan Aviation aviakompaniyasi ilk bor O‘zbekistonga parvozlarni yo‘lga qo‘ydi

Iordaniyaning Jordan Aviation aviakompaniyasi Amman—Toshkent—Amman yo‘nalishida qatnovlarni yo‘lga qo‘ydi. Bu haqda Uzbekistan Airports matbuot xizmati xabar berdi.

Ma’lum qilinishicha, 14-dekabr kuni ushbu aviakompaniyaning ilk samolyoti Toshkent xalqaro aeroportiga kelib qo‘ndi.

Toshkent va Amman o‘rtasidagi reyslar charter asosida ikki haftada bir marta Boeing-767 samolyotlarida amalga oshirilishi rejalashtirilgan.

Jordan Aviation — shtab-kvartirasi Ammanda joylashgan Iordaniya aviakompaniyasi. Kompaniya charter reyslarini amalga oshirishdan tashqari, BMT tinchlikparvar missiyalari uchun havo transportini ta’minlovchi muhim aviakompaniya hisoblanadi.

Mavzuga doir: Air Arabia Abu-Dabidan Toshkentga aviaqatnovlarni yo‘lga qo‘ydi