Ijtimoiy tarmoqlarda Farg‘ona viloyatining Qo‘shtepa tumanidagi sakkizta tez yordam mashinasi 4 soat deganda gaz zapravkaga kirgani haqida xabarlar tarqaldi. Viloyat Sog‘liqni saqlash boshqarmasi buni rad etdi.
“Shu yilning 13-dekabr kuni soat 6:00 larda Qo‘shtepa tumanidagi “Safe Fergana Gaz” MCHJ ga qarashli quyish shoxobchasida ikki dona tez yordam mashinasi 15 daqiqadan ko‘p bo‘lmagan vaqtda gaz bilan ta’minlanib, xizmatga yo‘l olgan. Xabarda aytilgan sakkizta avtomashina va ularning uzoq vaqt kutib qolgani yolg‘on”, — deyiladi xabarda.
Qayd etilishicha, bugungi kunda Qo‘shtepa tumanida 15 dona tez tibbiy yordam avtomashinalari bo‘lib, ular gaz va benzinga moslashgan. Chaqiruvlarga kechiktirilmaslikning oldini olish maqsadida tez tibbiy yordam avtomashinalari benzin zaxirasi bilan ta’minlangan. Hozirda tez tibbiy yordam avtomashinalariga gaz quyish grafik asosida ta’minlanmoqda. Muammolar kuzatilgani yo‘q.
Farg‘ona viloyati Sog‘liqni saqlash boshqarmasi fuqarolardan ijtimoiy tarmoqlarda asoslanmagan ma’lumotlar tarqatmaslikni, noo‘rin xulosaga bormaslikni so‘radi.
Izoh (0)