Bir guruh sog‘liqni saqlash tizimi mas’ullari Singapurga malaka oshirishga jo‘nab ketdi
Sog‘liqni saqlash vazirligi va Nanyang Singapur xalqaro instituti o‘rtasida imzolangan o‘zaro anglashuv memorandumiga asosan bir guruh mutaxassislar Singapurga xizmat safariga jo‘nab ketdi. Bu haqda vazirlik matbuot xizmati xabar berdi.
Qayd etilishicha, u yerda tashkil etiladigan “Yetakchilar uchun jamoat salomatligini boshqarish” o‘quv kurslarida mamlakat sog‘liqni saqlash tizimining hududiy boshqaruv apparati mutaxassislari, ixtisoslashgan markazlar filiallari rahbarlari, viloyat ko‘p tarmoqli tibbiyot markazlari bosh vrach va o‘rinbosarlari, tuman tibbiyot birlashmalari boshliqlaridan iborat 25 nafar mutaxassis ishtirok etadi.
Ularning zimmasiga Singapurning sog‘liqni saqlashni boshqarishdagi ilg‘or tajribalarini o‘rganib, mamlakatda tibbiyot sohasiga tatbiq etish bo‘yicha taklif va tavsiyalar ishlab chiqish vazifasi yuklatilgan.
Mavzuga doir:
- O‘zbekiston va Malayziya ta’lim hamda sog‘liqni saqlash sohasida qo‘shma loyihalarni amalga oshirmoqchi
- O‘zbekistonda tibbiy-ilmiy faoliyat bilan shug‘ullanuvchi Tabobat akademiyasi a’zolari Turkiyada malaka oshiradi
