Xonanda Doston Ergashev “O‘ylamadim” deb nomlangan qo‘shiqni, qo‘shiqning asl muallifi O‘ktam Aliyevning ruxsatisiz kuylagani uchun 500 million so‘m jarima to‘lagani haqida ma’lumotlar tarqalgan edi.
Doston Ergashev “Daryo” muxbiri Feruz Muhammadga bergan intervyusida ushbu xabarlarga oydinlik kiritdi.
Men qo‘shiq talashmaganman. Chiroqchilik akamiz O‘ktam Aliyev bilan shu masalada ozgina xafagarchilik bo‘ldi, lekin keyin yarashib oldik. Hozir munosabatlarimiz yaxshi. Jahli chiqqan odam nima qilayotganini bilmay qoladi. O‘tirib gaplashib, kelishib oldik, hozir hammasi yaxshi.Ma’lumot uchun, xonanda Doston Ergashev “Xalqlar do‘stligi” saroyidagi “Ko‘zmunchog‘im” deb nomlangan ilk yakkaxon konsert dasturida “O‘ylamadim” qo‘shig‘ini, qo‘shiqning asl muallifi O‘ktam Aliyev bilan duet qilib kuyladi.Agar qo‘shiqning ular aytgan varianti bilan men aytgan variantini solishtiradigan bo‘lsak, umuman ikkita boshqa-boshqa qo‘shiq bo‘ladi. Misol uchun mening ijromda avj pardalari bor, ularniki ham yomon emas, ular ham zo‘r kuylaganlar.
Bizda internetda yolg‘on xabarlar tarqatuvchi ayrim bloger va saytlar bor, “500 million so‘m jarima to‘labdi”, deb xabarlar chiqarishgan. 500 million so‘m kichkina pulmi? Kanalga qiziqtirish uchun nimadirlar deb yozishgan. Bo‘lmagan gap, hech qanaqa jarima to‘lamaganmiz.
U odam ham pul undirish uchun bu ishni qilmagan, shunchaki men qo‘shiqni ruxsat so‘ramasdan aytganim uchun jahli chiqqan. Lekin uzrimni so‘rab, oldidan o‘tganimdan keyin jahlidan tushdi. Mana hozir yaxshi bo‘ldik. Gap pulda emas, u odamning o‘ziga yetarli puli bor. Hamma narsasi joyida. “Sudlashdi, 500 million so‘m jarima to‘ladi”, degan gaplarning barchasi yolg‘on.
Doston Ergashev, xonanda
Izoh (0)