Buxoroda 2 fuqaroni Koreyaga jo‘natishini aytib, firibgarlik yo‘li bilan 23 ming dollar olgan shaxs ushlandi

Buxoro shahrida xorijga ishga yuborish va ishga kiritib qo‘yishni va’da qilgan shaxslar ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.

Qayd etilishicha, Bosh prokuratura huzuridagi departamentning Buxoro shahri bo‘limi tomonidan tergovga qadar tekshiruv o‘tkazilgan. Unda muqaddam firibgarlik jinoyatlari uchun 2 marta sudlangan V.X. fuqarolar A.K. va A.B.ni Janubiy Koreyaga ishga yuborish evaziga jami 23 ming dollarni firibgarlik yo‘li bilan qo‘lga kiritgani aniqlangan.

Departamentning Qarshi shahri bo‘limi tomonidan viloyat IIB xodimlari bilan hamkorlikda o‘tkazilgan tezkor tadbirda esa fuqarolar G‘.R. va X.R. fuqaro J.R.ni “Qarshi temiryo‘l uzeli” AJga ishga kiritib qo‘yish evaziga 2 ming dollarni olgan vaqtlarida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

Mavzuga doir:

• Farg‘onada fuqaroni Janubiy Koreyaga ishga jo‘natish uchun 7 ming 550 dollar olgan shaxs ushlandi
• Namanganda fuqaroni Polshaga ishga jo‘natishini aytib, undan firibgarlik yo‘li bilan pul olgan shaxs ushlandi