“Garri Potter” kinoning haqiqiy klassikasiga aylandi. Lekin ba’zida ssenariy mualliflari va rejissorlarga jiddiy savollar tug‘iladi. Misol uchun, nima uchun o‘lim ovchilari supurgisiz ucha oladi, boshqa sehrgarlar ucha olmaydi?
Nega Garri marjondan yasalgan tayoqchani sindiradi?
Potter seriyasining yakuniy sahnalaridan birida Garri dunyodagi eng kuchli tayoqchani sindirib tashlaydi. Ammo urush tugagan bo‘lsa, nega bunday qudratli artefaktni yo‘q qilish kerak? Kitobda esa bosh qahramon tayoqchani Dambldorning qabriga qaytaradi.
Biroq tayoqcha juda xavfli edi: u sehrli dunyoda juda ko‘p muammolarni keltirib chiqardi. Ehtimol, Potter filmda kitobdan ko‘ra aqlliroq bo‘lib, sehrgarlarni dunyodagi eng kuchli tayoqchaga ega bo‘lish vasvasasidan qutqargandir?
Hagrid Slizerin fakultetida o‘qiganmi?
“Garri Potter va maxfiy hujra” filmida Hagridning maktab hayoti haqida so‘z boradi. Tom Riddlning xotiralariga ko‘ra, u Rubeus bilan yaxshi munosabatda bo‘lgan. Bo‘lajak Voldemortning xulq-atvorini bilgan holda, uning qadrdon Slizerinidan boshqa biron bir fakultet talabalari bilan do‘st bo‘lishi dargumon.
Bundan tashqari, zindonda Riddl va Hagridning gaplashayotganini ko‘rish mumkin. O‘quvchilar uchun u yerga borish juda qiyin, ayniqsa boshqa-boshqa xonalarda yashashsa. Demak, ular bitta yotoqxonada yashaydi, ya’ni Slizirinda.
Qanday qilib Bellatrisa va Sirius Blek Azkabandan qochib, tayoqchalarini qaytarib olishadi?
Hagridni Maxfiy hujrani ochganlikda ayblashganda, uning tayoqchasini sindirishadi. Nazariy jihatdan, Azkabanga kirganlarning tayoqlari yo‘q qilinishi kerak. Ayniqsa, Bellatrisa va Sirius kabi umrbod qamoq jazosiga hukm qilingan jinoyatchilarnikini. Ammo qandaydir tarzda ularning sehrli buyumlari qamoqdan qochib ketganidan keyin ularga qaytariladi.
Nega Voldemort magllar kiyimini kiyadi?
“Garri Potter va Qaqnus ordeni” filmining sahnalaridan birida magl (oddiy odam)lar bilan bog‘liq bo‘lgan hamma narsadan nafratlangan Voldemort kostyum-shimda paydo bo‘ladi. Ko‘pchilik buni Dambldor tomoshabinlar oldida ballerina kiyimida paydo bo‘lgandek qabul qiladi.
Biroq bu kadr faqat Garrining xayolida paydo bo‘lgan, balki u Garrini shu yo‘l bilan qo‘rqitmoqchi bo‘lgandir?
Nega Garrining ota-onasi Orzular ko‘zgusida o‘z yoshidan ancha kattaroq ko‘rinadi?
Lili va Jeyms Potter juda yosh vafot etadi — 20 yoshda. Lekin 1-filmda Garri ota-onasini Orzular oynasida ancha katta yoshda ko‘radi. Garrining onasi rolini o‘ynagan aktrisa Jeraldin Somervill suratga olish vaqtida 34 yoshda, ekrandagi eri 43 yoshda bo‘lgan.
Ehtimol, yosh ota-ona 11 yoshli o‘g‘lining yonida juda g‘alati ko‘rinar. Yoki Garrining asosiy istagi ko‘zguda aks etgandir — onasi va otasi yonida bo‘lishi. O‘g‘li 11 yoshga to‘lganda Lili va Jeyms balki shunday yoshda bo‘lardi.
Dolores Ambrij mushuklarni shunchalik yaxshi ko‘rsa, nega u mushuk boqmaydi?
Ambrij — Potter seriyasidagi eng salbiy qahramonlardan biri. Shunga qaramay, u doimo hammaga yoqadigan jonivorlar — momiqqina mushukchalarni yaxshi ko‘radi. Doloresning mushuklar portretlari tushirilgan kolleksiyasi bor, u o‘z ofisini shular bilan bezatadi.
Ammo bu ayol mushuklarni juda yaxshi ko‘rsa, nega hech bo‘lmaganda bittasini boqib olmaydi? Joan Roulingning so‘zlariga ko‘ra, Ambrij haqiqiy mushukchalarni yoqtirmaydi va ularni isqirt hayvon deb biladi. Buni kitob yoki filmda aytib ketish kerak edi.
Nega yaxshi sehrgarlar supurgisiz ucha olmaydi, o‘lim ovchilari esa bu mahoratni yaxshi o‘zlashtirgan?
Garri Potter filmlarida Voldemort qo‘l ostidagilarining ajoyib uchishini ko‘ramiz, kitobida esa ularda bunday mahorat yo‘q bo‘ladi. Biroq supurgisiz ucha oladigan ikkita sehrgar ham bor: Qora Lord va Severus Sneyp.
Joan Roulingning so‘zlariga ko‘ra, barcha sehrgarlar tug‘ma uchish qobiliyatiga ega, ammo ularning ko‘pchiligi supurgiga muhtoj.
Nima uchun Griffindor rahbari Slizerin rangidagi libos kiyadi?
Minerva Makgonagall Griffindor uyining rahbari bo‘lib, uyning ramziy ranglari — alvon va tillarang. Lekin negadir o‘qituvchi doim Slizerinning rangi hisoblangan yashil rangni afzal ko‘radi. Potter muxlislari hatto bu haqda bir nechta nazariyalarni ilgari surgan.
Birinchisiga ko‘ra, Minervaning kiyimi uning mushukka aylanish qobiliyatiga ishora qiladi, chunki bu hayvonning ko‘zlari yashil. Ikkinchi nazariya tarafdorlari Makgonagallning kelib chiqishi Shotlandiyadan bo‘lganini ta’kidlaydi — yashil rang tantana rangi (milliy katakli libos) ekanligini aytishadi.
Mavzuga doir:
- Kino olamida katta iz qoldirgan, ammo fojiali tarzda vafot etgan “Garri Potter” yulduzlari (foto)
- Filmdagi qahramonlariga o‘zlarining didiga ishonib kiyim tanlagan aktyor va aktrisalar (foto)
- “Garri Potter” sahnasi ortida sodir bo‘lgan voqealar ba’zan filmning o‘zidan ham qiziqroq ekanligining isboti (foto)
Izoh (0)