Saudiyaning ACWA Power kompaniyasi O‘zbekistonda 5 ta elektr stansiyasi quradi

Saudiya Arabistonining ACWA Power kompaniyasi tomonidan O‘zbekistonda umumiy quvvati 4100 MVt bo‘lgan 5 ta elektr stansiyasi qurilmoqda. Bu haqda “Daryo” manbasi xabar berdi.

Qayd etilishicha, elektr stansiyalarning 4 tasi 2600 MVt quvvatli shamol va 1 tasi 1500 MVt quvvatga ega zamonaviy issiqlik stansiyalari hisoblanadi.

Xususan:

• Sirdaryo viloyatining Shirin shahri va Boyovut tumanlari hududida quvvati 1500 MVt bo‘lgan 1 ta zamonaviy issiqlik elektr stansiyasi;
• Buxoro viloyatining Peshku va G‘ijduvon tumanlarida har birining quvvati 500 MVtdan bo‘lgan 2 ta;
• Qoraqalpog‘iston Respublikasida umumiy quvvati 1600 MVt bo‘lgan 2 ta shamol elektr stansiyasini qurish loyihalari amalga oshirilmoqda.

Taqqoslash uchun: 4100 MVt quvvat O‘zbekistonda amaldagi elektr energiyasini ishlab chiqarish hajmlarining 23 foizini tashkil qiladi.