Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi

Twitter ofisidagi bir qator xonalar yotoqxonalarga aylantiildi. U yerga matraslar yoki karavotlar qo‘yildi, shuningdek, pardalar ilindi. Bu haqda 5-dekabr kuni Forbes o‘z manbalariga tayanib xabar berdi. BBC esa yotoqxonalardan olingan suratlarni e’lon qildi.

NEW: The BBC has obtained pictures of inside Twitter - rooms that have been converted into bedrooms - for staff to sleep in.

The city of San Francisco is investigating as it's a commercial building. pic.twitter.com/Y4vKxZXQhB

— James Clayton (@JamesClayton5) December 7, 2022

“Yotoqxonalar” Twitter ofisida 5-dekabr, dushanba kuni paydo bo‘ldi. Forbes manbalaridan biri ma’lum qilishicha, ularning soni “har bir qavatda to‘rttadan sakkiztagacha” bo‘lishi mumkin, ular ko‘rinishidan juda qulayga o‘xshaydi, deya qo‘shimcha qildi manba.

“Nashrning yana bir manbasi yotoq joylarning paydo bo‘lishini “navbatdagi oshkor qilinmagan hurmatsizlik belgisi” deb atadi. “Hech qanaqa muhokama bo‘lgani yo‘q. Karavotlar o‘z-o‘zidan paydo bo‘ldi”, — dedi u.

“Bu mehmonxona nomeriga o‘xshaydi”, — dedi Twitter sobiq xodimi BBC’ga, u Maskning o‘zi kompaniya ofisida tez-tez tunab qolishini ta’kidladi.

Twitter ofisida yotoqxonalar paydo bo‘lgani haqida ma’lum bo‘lgach, ijtimoiy tarmoq foydalanuvchilaridan biri San-Fransisko ma’muriyatiga shikoyat qildi. Binolar inspeksiyasi shahar departamenti tekshiruv boshladi. Ular ofisdan xavfsiz tarzda foydalanilayotganiga ishonch hosil qilishlari kerakligini ta’kidladi.

Ilon Mask bundan norozi bo‘ldi. “Ya’ni San-Fransisko bolalarni fentanildan himoya qilish o‘rniga, charchagan xodimlarini karavotlar bilan ta’minlayotgan kompaniyalarga hujum qilyaptimi?” — deb yozdi u Twitter’da.

Fentanil — ta’sir kuchi bo‘yicha morfindan 100 marta kuchliroq bo‘lgan sintetik opiat bo‘lib, Mask yaqinda San-Fransisko fuqarolaridan biri shahar bog‘ida sayr qilayotib, o‘n oylik o‘g‘li fentanildan zaharlangani haqida gapirib bergan hikoyasini nazarda tutdi.

Ilon Mask Oktabr oxirida Twitter egasiga aylandi. U kompaniya har kuni to‘rt million dollardan ortiq mablag‘ yo‘qotayotganini ma’lum qildi. Mask kompaniya xodimlarining qariyb yarmini ishdan bo‘shatdi, qolganlarga esa yangi Twitter’ni zo‘rma-zo‘raki qurish uchun ishdan tashqari vaqtda ishlashni taklif qildi. OAVlar ma’lumotlariga ko‘ra, shundan keyin yana yuzlab xodimlar kompaniya qolish fikrini o‘zgartirgan. Twitter’da qolib, ishni davom ettirganlar haqiqatan ham ofisda tunashga majbur bo‘lgan — dastlab ular qopko‘rpalarda yotgan.

Twitter’ni sotib olganidan keyin ko‘p o‘tmay, Mask kompaniya yaqin vaqtlar oralig‘ida o‘z ishini yo‘lga qo‘yishga urinib, ko‘plab “tentakliklar” qilishi haqida ogohlantirgandi. Xususan, milliarder verifikatsiya belgilarini sotivga qo‘ydi, ammo ularni soxta akkauntlar sotib ola boshlagach, bundan voz kechdi.