2022-yilning yanvar—sentabr oylarida aholi jon boshiga hisoblangan yalpi ichki mahsulot 3,6 foizga o‘sdi. Bu haqda Davlat statistika qo‘mitasi xabar bermoqda.
Ushbu ko‘rsatkich 2021-yilning mos davrida 5,3 foizga o‘sgan edi. Taqqoslash uchun, joriy yilda aholi jon boshiga YIMning o‘sishi o‘tgan yilning mos davriga nisbatan 1,7 foizga sekinlashgan.
Yillar kesimida aholi jon boshiga YIMning o‘sish (kamayish) sur’atlari:
- 2018-yil yanvar—sentabr — 3,8 foiz;
- 2019-yil yanvar—sentabr — 3,7 foiz;
- 2020-yil yanvar—sentabr — -1,4 foiz;
- 2021-yil yanvar—sentabr — 5,3 foiz;
- 2022 yil yanvar—sentabr — 3,6 foiz.
2022-yilning 9 oyi yakunlariga ko‘ra, O‘zbekiston iqtisodiyoti beqaror global muhit, jahon bozoridagi narxlar shoklari va noaniqlik sharoitida barqarorlik va kuchli o‘sish sur’atlarini namoyish etishda davom etmoqda.
O‘zbekiston Davlat statistika qo‘mitasi ma’lumotlariga ko‘ra, yanvar—sentabr oylarida O‘zbekistonda yalpi ichki mahsulot (YIM) 5,8 foizga o‘sdi.
Ushbu davrda asosiy savdo sheriklari bo‘lgan mamlakatlarda iqtisodiy vaziyat turlicha rivojlandi. Shunday qilib, Qirg‘izistonda YIM 7,4 foizga o‘sdi, 2021-yil yanvar—sentabr oylarida esa 0,2 foizga biroz pasayish kuzatildi.
Qozog‘istonda o‘sish sur’ati 2021-yil yanvar—sentabr oylarida 3,6 foizdan 2022-yilning shu davriga nisbatan 2,8 foizga sekinlashdi. Rossiyada joriy yilning 8 oyi davomida YIM -1,5 foizga kamaydi.
Avvalroq O‘zbekistonda YIMning o‘sishi prognoz qilingani haqida xabar berilgandi.
Izoh (0)