“Hududgazta’minot” aksiyadorlik jamiyati boshqaruvi raisi Baxodir Eshmuratov ayni paytda barcha kuchlar aholiga gaz yetkazib berishga safarbar qilinganini ma’lum qildi.
Hozir barcha kuchlarni xonadonlarga gaz yetkazib berishga safarbar qilganmiz. Bu borada turli xil tadbirlar amalga oshirilmoqda.
Xususan, ayrim korxonalar, jumladan, avtomobillarga gaz quyish shoxobchalarining ish rejimiga o‘zgartirish kirityapmiz. Ayrimlaridan havo harorati past vaqtlarda faoliyatini to‘xtatib turishni iltimos qilyapmiz, — degan u.Toshkentda 4-dekabr kuni imkon qadar ko‘proq xonadonlarni gaz va issiqlik bilan ta’minlash maqsadida, jamoat transport vositalariga xizmat ko‘rsatadigan shoxobchalardan tashqari, qolgan barcha avtomobillarga gaz quyish shoxobchalari vaqtinchalik yopilgandi. Baxodir Eshmuratovning bildirishicha, hozirda poytaxtda 5 ta gaz quyish shoxobchalari ishlamoqda.
“Toshkentda bor-yo‘gi 5 ta gaz quyish shoxobchalari ishlamoqda. Ular so‘nggi kunlarda ijtimoiy ahamiyatga ega bo‘lgan texnikalarga gaz quymoqda. Qolgan avtomobillarga gaz quyish shoxobchalari egalaridan bir necha kun faoliyatini to‘xtatib turishni iltimos qildik”, — deydi “Hududgazta’minot” rahbari.
Uning ta’kidlashicha, buning hisobiga yetkazib beriladigan tabiiy gaz aholi ehtiyojlari uchun yo‘naltiriladi.
Mavzuga doir:
- O‘zbekistonda davlat tashkilotlari mashinalariga gaz quyish vaqtincha taqiqlandi
- O‘zbekistonda elektr va gaz muammolarini tezkor hal qilish uchun 24 soat ishlaydigan shtablar tashkil etiladi
- “Metan gaz quyish shoxobchalarining aniq ish vaqti bor, lekin o‘zgarishlar kiritishga majbur bo‘lyapmiz” — energetika vaziri
Izoh (0)