Turinning “Yuventus” jamoasi moliyaviy qoidabuzarliklar tufayli quyi ligaga tushib ketishi mumkin.
Bu haqida sport huquqshunosi Mattia Grassani ta’kidlab o‘tdi.
Avvalroq turinliklar rahbarlari iste’foga chiqqani xabar qilingandi. Andrea Anyelli, Pavel Nedved va klubning boshqa sobiq rahbarlari hisobotni buzganlik uchun javobgarlikka tortilishi kutilmoqda. Ularni qamoq yoki jarima kutmoqda. Aybdorlarni hibsga olish uchun orderlar allaqachon tayyorlangan.
“Jinoyat turlari — xoh u fond bozori qoidalarini buzish bo‘ladimi, xoh korporativ va sport qoidalarini buzish bo‘ladimi — noqonuniy faoliyatning barcha holatini qamrab oladi.
‘Yuventus’ni nafaqat jarimalar yoki ochkolar olib tashlash jazosi kutib turibdi, balki jamoa quyi ligaga tushirib yuborilishi ham mumkin.
Sud jarayoni 2022/23-yilgi mavsumda yakunlanadi. Chunki jinoiy yoki fuqarolikdan farqli o‘laroq sport qonunlarida vaqt chegarasi mavjud.
Ko‘p narsalar ‘Kalchopoli’ voqeasidan ham jiddiyroq vaziyat haqida gapirmoqda. Bitta ish hakamlar bosh korpusi tomonidan tayinlangan hakam bilan bog‘liq, biroq kompaniya hisoblarini soxtalashtirish mutlaqo boshqa narsa”, — deydi ekspert.
Turin klubi 2006/07-yilgi mavsumda ‘Kalchopoli’ nomi bilan mashhur bo‘lgan korrupsiya mojarosidan so‘ng Italiya ikkinchi divizioniga yo‘l olgan edi.
Izoh (0)