Vaqt o‘tishi bilan filmlarning davomi yoki remeyklari paydo bo‘ladi — rejissorlar fantastik qahramonlarga yangi hayot bag‘ishlashga qaror qiladi. Quyida afsonaviy qahramonlarni turli talqinda ijro etgan aktyorlar bilan tanishasiz.
Jin Uaylder, Jonni Depp va Timoti Shalame Villi Vonka rolida
Shokolad fabrikasining eng sirli va xavfli egasi Villi Vonka, shubhasiz, barcha davrlarning eng eksantrik kino qahramonlaridan biri. Qahramonni birinchi marta 1971-yilda “Villi Vonka va shokolad fabrikasi” filmida Jin Uaylder, keyin esa 2005-yilda “Charli va shokolad fabrikasi” filmida Jonni Depp ijro etgan. Timote Shalame ekranlarga chiqishi kutilayotgan “Villi Vonka” filmidagi qahramonni jonlantiradi.
Kerri Fisher va Vivien Lira Bler malika Leya rolida
Kerri Fisher ijro etgan malika Leya 40 yildan ortiq vaqt davomida bizni quvontirdi. Aktrisa barcha davrlarning eng esda qolarli ayol qahramonlaridan birini o‘ynadi. “Obi-Van Kenobi” teleserialining chiqishi haqidagi xabar chiqqanida maftunkor malika Leyani bolaligini ko;rishini bilib muxlislar qanchalik hayajonlanganini tasavvur qilish mumkin. Yosh Vivien Lira Bler malikaning bolaligini gavdalantiradi.
Uesli Snayps va Mahershela Ali Bleyd rolida
90-yillarning oxiri va 2000-yillarning boshlarida aktyor Uesli Snayps ijro etgan Marvel qahramoni Bleyddan mashhuri yo‘q edi. Muxlislar o‘zlarining sevimli qahramonining yana ekranlarga qaytishini intiqlik bilan kutishdi. Yangi filmda bosh rolni “Oskar” mukofoti sovrindori aktyor Mahershela Ali ijro etgan.
Maykl Gembon va Jud Lou Albus Dambldor rolida
Ko‘p yillar davomida Maykl Gembon qalbimizda Albus Dambldor sifatida saqlanib qoldi. “Fantastik hayvonlar” filmi uchun mashhur Xogvarts direktorining yoshligini tasvirlash uchun aktyor kerak bo‘lganda, rejissorlar Jud Louda to‘xtashdi.
Kichik Robert Dauni, Benedikt Kamberbatch va Genri Kavill Sherlok Xolms rolida
Sherlok Xolms kabi taniqli adabiy qahramon haqida ko‘plab filmlar ishlan ganiajablanarli emas. Kichik Robert Dauni Gay Richining “Sherlok Xolms” va “Sherlok Xolms: soyalar o‘yini” filmlarida mashhur detektiv sifatida paydo bo‘lgan. Shu bilan birga, Benedikt Kamberbetch “Sherlok” serialidagi o‘zining mahoratli ijrosi bilan barchani hayratga soldi, bu detektiv hikoyalarga zamonaviy qarash imkonini berdi.
Genri Kavillga kelsak, u qahramonini har tomonlama ko‘rsata olmaydi, chunki uning Sherloki asosiy e’tibor detektivning singlisiga qaratilgan “Enola Xolms” filmida yordamchi personaj sifatida ko‘rinish beradi.
Ien MakKellen va Maykl Fassbender Magneto rolida
2011-yilda Maykl Fassbender yosh Magneto rolini o‘ynadi. Tomoshabinlar ikkala aktyor ham o‘z vazifasini a’lo darajada bajargan deb hisoblaydi. Muxlislar bunga 2 nafar o‘z ishining ustasi bir filmda “Iks odamlar: O‘tmishdagi kelajak kunlari” filmidagi personajni tasvirlaganlarida to‘liq ishonch hosil qilishdi.
Patrik Styuart va Jeyms MakAvoy professor Iks rolida
Mashhur qahramon Patrik Styuartni yoshligida Jeyms MakAvoy ijro etgan. Dastlabki ikkita filmda qahramon haqida yangicha tasavvurga ega bo‘lamiz.
Margo Robbi va Ledi Gaga Xarli Kvinn rolida
Margo Robbining Xarli Kvinni “Xudkushlar guruhi”, “Yirtqich qushlar” kabi filmlarda namoyon bo‘lgan. Ammo rejissor Todd Fillips Xoakin Feniksga orzu qilingan “Eng yaxshi erkak roli” Oskarini qo‘lga kiritgan “Joker” seriali uchun boshqa yo‘nalishda borishga qaror qilganga o‘xshaydi. Jokerning eksantrik sevgilisi rolini endi Ledi Gaga ijro etadi.
Mavzuga doir:
- Faqat Alek Bolduin emas: suratga olish maydonchasida sodir bo‘lgan eng mashhur 5 ta fojia
- Sobiq birinchi xonim: Melaniya Tramp turmush o‘rtog‘ining mag‘lubiyatidan so‘ng qanday yashamoqda?
- Olimpiya o‘yinlari, ruhiy tushkunlik va yolg‘izlikda vafot etish: “Uyda yolg”iz” filmidan so‘ng aktyorlar hayotida ro‘y bergan keskin burilishlar
Izoh (0)